Dentro do plan de actividades da Escola Galega de Administración Pública para 1998 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócase unha xornada sobre responsabilidade patrimonial das administracións públicas, que deberá desenvolverse conforme as seguintes bases:
1.-Obxectivos.
Acadar un mellor coñecemento verbo do desenvolvemento normativo, a crítica doutrinal e a evolución xurisprudencial do sistema de responsabilidade patrimonial das administracións públicas, sobre todo á luz da nova Lei da xurisdicción contenciosa e do proxecto de reforma da Lei de réxime xurídico e do procedemento administrativo común.
2.-Contido.
Trataranse estes temas:
Evolución normativa e doutrinal da responsabilidade patrimonial. As grandes cuestións.
A incidencia do proxecto da Lei do 18 de marzo de 1998, de reforma da LRX-PAC.
A responsabilidade civil das administracións públicas, no caso de infracción penal dos funcionarios.
A nova Lei da xurisdicción contencioso-administrativa: unificación da competencia.
Problemas específicos en materia sanitaria e laboral.
3.-Destinatarios.
Persoal ó servicio de calquera das administracións públicas galegas e interesados en xeral.
4.-Desenvolvemento.
Horario: mañá e tarde.
Lugar e datas. a xornada convocada terá lugar o día 17 de decembro de 1998, na sala de congresos do Auditorio de Pontevedra, situado na rúa Bóveda, s/n, da citada cidade.
5.-Incrición.
Prazo: remata o martes, día 15 de decembro de 1998.
Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707, Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurí
dico das administracións públicas e do procedemento administrativo común. Admitiranse tamén isncricións por telefax: 981 54 63 37.
Número de prazas: limitado á capacidade do local.
Incricións fóra de prazo: só se admitirán de quedaren prazas baleiras, coa condición de que se cumpran os requisitos xerais antes indicados.
Para poder confirma-la súa posible admisión, os peticionarios poderán chamar por teléfono, a partir do día 15 de decembro, de 10 a 14.45 horas, ós seguintes números: 981 54 62 39 ou 981 54 60 40.
6.-Modificacións.
A EGAP reserva para si a facultade de interpretar e de resolve-las incidencias que puidesen xurdir
no desenvolvemento da xornada, así como a de cancelala, se o escaso número de solicutdes non xustificase a súa realización.
7.-Certificación de asistencia.
Entregaráselles ó remate desta xornada a aquelas persoas inscritas que concorresen asiduamente a ela, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.
Santiago de Compostela, 18 de novembro de 1998.
Domingo Bello Janeiro
Director da Escola Galega de Administración
Pública
10371
