Vista a solicitude para autorización administrativa, recoñecemento de utilidade pública, coa relación

concreta e individualizada dos bens ou dereitos que se consideran de necesaria expropiación, así como aprobación do proxecto de execución que se cita:

Solicitante: Unión Eléctrica-Fenosa, S.A.

Domicilio social: Avda. de Arteixo, 171, 15007 A Coruña.

Denominación: L.M.T., C.T. e R.B.T. Esternande (Coristanco).

Liña eléctrica aérea a 20 kV cunha lonxitude de 0,351 km con orixe na L.M.T. Vilares-Santa Comba, tramo Couzo-Santa Comba (expediente 5462-B) e final no C.T. proxectado Ribela, cunha potencia de 50 kVA 20.000/380-220 V tipo intemperie. Liña de media tensión aérea de 20 kV cunha lonxitude de 0,351 km, con orixen na L.M.T. a C.T. Vilar-Coristanco (expediente 51570) e final no C.T. proxectado Esternande, cunha potencia de 50 kVA 20.000/380-220 V tipo intemperie. Liña de media tensión aérea de 20 kV cunha lonxitude de 0,351 km, con orixe na L.M.T. a C.T. Vilar-Coristanco (expediente 51570) e final no C.T. proxectado Esternande, cunha potencia de 50 kVA 20.000/380-220 V tipo intemperie. Liñas de baixa tensión con orixe nos CC.TT. de Vilar, Ribela e Esternande con lonxitudes de 0,926 km, 1,062 km, e 2,033 km, conductor tipo R.Z. e apoios de formigón.

A petición someteuse a información pública, coa relación de propietarios, bens e dereitos afectados, publicáronse no DOG do 8-7-1998 e no BOP do 12-6-1998, no xornal de Voz de Galicia do día 9-6-1998 e no taboleiro de anuncios da Casa do Concello de Coristanco, ó mesmo tempo, notificouse individualmente a cada un dos interesados que figuran na dita relación.

Por persoal facultativo desta delegación comprobouse que, a liña ó seu paso polos predios relacionados na información pública, non incorren nos supostos de prohibición e limitación de constitución de servidume de paso, contemplados no artigo 57 da Lei 54/1997 e artigos 25 e 26 do Decreto 2619/1966.

Vista a Lei 54/1997, do 27 de novembro, do sector eléctrico, os decretos 2617 e 2619/1966, do 20 de outubro sobre autorización e expropiación forzosa das instalacións eléctricas e cumpridos os trámites regulamentarios establecidos, esta delegación provincial resolveu:

Autorizar e aproba-lo proxecto das citadas instalacións e declara-la utilidade pública destes que leva implícita a necesidade de ocupación dos bens ou de adquisición dos dereitos afectados e implica

a urxente ocupación para os efectos do artigo 52 da Lei de expropiación forzosa.

Contra esta resolución, que non é definitiva en vía administrativa, poderase interpoñer recurso ordinario, ante o conselleiro de Industria e Comercio da Xunta de Galicia, no prazo dun mes, de acordo co disposto no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

A Coruña, 8 de outubro de 1998.

Jesús Espada Martínez

Delegado provincial da Coruña

9662