A EGAP, dentro do programa operacional europeo Interreg-II para 1998, organiza un seminario galego-luso sobre Administración local en Galicia e no norte de Portugal.

Colaboran nesta actividade, co patrocinio da Comunidade de Traballo Galicia-Norte de Portugal, as seguintes institucións:

-A Dirección Xeral de Xustiza e Administración local da Xunta de Galicia.

-A Direcçao Regional de Administraçao Autárquica do Norte de Portugal.

-O Instituto de Gestao e Administraçao Pública de Porto.

1. Obxectivos.

A través dun estudio comparado da normativa aplicable ó respecto en ámbolos dous territorios transfronteirizos, reflexionar, contrastar e debater verbo do tratamento das cuestións máis sobresalientes sobre a Administración local en Galicia e no norte de Portugal.

2. Contido.

Trataranse estes temas:

-O papel do ámbito rexional en relación cos concellos.

-Caracterización do marco xurídico-financeiro da Administración local.

-Recursos humanos e formación na Administración rexional e local.

-A avaliación do traballo e do rendemento.

-A xestión dos servicios públicos locais.

-Perspectivas de futuro para a Administración local.

3. Destinatarios.

Persoal ó servicio de calquera das administracións públicas galegas e portuguesas e interesados en xeral.

4. Desenvolvemento.

-Horario: mañá e tarde.

-Lugar e datas: o seminario convocado terá lugar no salón de actos da Escola Galega de Administración Pública (polígono das Fontiñas, Rúa de Madrid, 2-4, en Santiago de Compostela), os días 10 e 11 de decembro de 1998.

5. Inscrición.

-Prazo: remata o mércores, día 9 de decembro de 1998.

-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, Rúa de Madrid, 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 37.

-Número de prazas: limitado á capacidade do local.

-Inscricións fóra de prazo: só se admitirán de quedaren baleiras, coa condición de que se cumpran os requisitos xerais antes indicados.

Para confirma-la súa posible admisión, os peticionarios poderán chamar por teléfono, a partir do día 9 de decembro, das 10 ás 14.45 horas, ós seguintes números: 981 54 62 39 ou 981 54 60 40.

6. Modificacións.

A EGAP reserva para si a facultade de interpretar e de resolve-las incidencias que puidesen xurdir no desenvolvemento do seminario, así como a de cancelalo, se o escaso número de solicitudes non xustificase a súa realización.

7. Certificado de asistencia.

Entregaráselles, ó remate deste seminario, a aquelas persoas inscritas que concorresen asiduamente ó mesmo, cando a súa asistencia sexa igual ou superior ó 85% das horas lectivas programadas, e expresarase, neste documento, a natureza da actividade e as datas da súa realización.

Santiago de Compostela, 23 de novembro de 1998.

Domingo Bello Janeiro

Director da Escola Galega de Administración

Pública

10469