Por Decreto 197/1998, do 25 de xuño de 1998, artigo 2 creouse o Instituto de Educación Secundaria nº 1 de Ordes resultante da fusión nun único centro do IES mixto e do IFP da mesma localidade.

Procede agora efectua-la adscrición con carácter definitivo, no Instituto de Educación Secundaria número 1 de Ordes, do profesorado do Instituto de Educación Secundaria Mixto e do procedente do Instituto de Formación Profesional da mesma localidade.

Na súa virtude, a Consellería de Educación e Ordenación Universitaria

DISPÓN:

Primeiro.-Os profesores de ensino secundario e técnicos de formación profesional que se relacionan no anexo desta orde, procedentes dos suprimidos institutos de Educación Secundaria Mixto e do Instituto de Formación Profesional de Ordes, quedan adscritos definitivamente no Instituto de Educación Secundaria nº 1 de Ordes.

Segundo.-A adscrición a que se refire esta orde non suporá variación nin modificación da situación do profesorado nin dos dereitos que lles corresponden, e os servicios no centro computaranse desde a toma de posesión no instituto de procedencia.

Terceiro.-Nos títulos administrativos dos interesados, a delegación provincial da consellería incluirá dilixencias nas que se faga consta-la posesión no novo instituto.

Cuarto.-A efectividade desta orde será do 1 de outubro de 1998.

Santiago de Compostela, 10 de novembro de 1998.

Celso Currás Fernández

Conselleiro de Educación e Ordenación

Universitaria

ANEXO

PROFESORADO DE ENSINO SECUNDARIO

ANEXO

PROFESORES TÉCNICOS DE FORMACIÓN

PROFESIONAL

10500