Dentro do plan de actividades da Escola Galega de Administración Pública para 1998 e conforme as funcións atribuídas pola Lei 4/1987, do 27 de maio, de creación da EGAP, e pola Lei 10/1989, do 10 de xullo, de modificación da anterior, convócanse unhas xornadas sobre o novo regulamento das telecomunicacións, conforme as seguintes bases:
1. Obxectivos.
A Lei xeral de telecomunicacións do 24 de abril de 1998 e os seus regulamentos constitúen un corpo
normativo de indubidable interese para cada un dos sectores de maior transcendencia de cara ó futuro. En efecto, as telecomunicacións están na base da sociedade da información cara á que os países desenvolvidos (entre eles os integrados no contorno comunitario europeo) avanzan rapidamente e se esforzan por construír.
Ningún país ou comunidade pode deixar de prestarlles atención a estas cuestións. E un dos seus aspectos máis relevantes é do seu regulamento normativo. Cómpre ter en conta que os dereitos e obrigas que se lles recoñezan ós operadores de telecomunicacións, os vínculos que os unen entre si, e cos usuarios, e as garantías de que as cargas e responsabilidades do servicio universal non serán abandonadas, son determinantes para o adecuado e fluído desenvolvemento do sector.
En definitiva, perséguese, con estas xornadas, darlle a maior divulgación posible ó regulamento normativo antes citado, entre os funcionarios, estudiosos, especialistas e interesados en xeral.
2. Contido.
Trataranse estes temas:
A liberalización e a introducción de competencia nas comunicacións da Unión Europea.
Regras básicas comunitarias en materia de telecomunicacións.
A Lei xeral de telecomunicacións. Panorama actual das telecomunicacións españolas.
Títulos que habilitan para operar telecomunicacións: autorizacións xerais e licencias individuais.
A interconexión como peza clave das telecomunicacións en competencia.
A competencia en telefonía móbil.
A competencia en telefonía fixa.
Estudio especial das redes territoriais.
3. Destinatarios.
Persoal ó servicio de calquera das administracións públicas galegas e interesados en xeral.
4. Desenvolvemento.
Horario: mañá e tarde.
Lugar e datas: as xornadas convocadas terán lugar no salón de actos da Escola Galega de Administración Pública (polígono das Fontiñas, rúa de Madrid, 2-4, en Santiago de Compostela), os días 9 e 10 de decembro de 1998.
5. Inscrición.
Prazo: remata o martes, día 8 de decembro de 1998.
Tramitación de solicitudes: as solicitudes irán dirixidas ó director da Escola Galega de Adminis
tración Pública, polígono das Fontiñas, rúa de Madrid, 2-4, 15707, Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 37.
Número de prazas: limitado á capacidade do local.
Inscricións fóra de prazo: só se admitirán de quedaren prazas baleiras, coa condición de que se cumpran os requisitos xerais antes indicados.
Para confirma-la súa posible admisión, os peticionarios poden chamar por teléfono, a partir do día 4 de decembro, de 10 a 14.45 horas, ós seguintes números: 981 54 62 39 ou 981 54 60 40.
6. Modificacións.
A EGAP reserva para si a facultade de interpretar e de resolve-las incidencias que puidesen xurdir no desenvolvemento destas xornadas, así como a de cancelalas, se o escaso número de solicitudes non xustificase a súa realización.
7. Certificación de asistencia.
Entregaráselles, ó remate destas xornadas, a aquelas persoas inscritas que concorresen asiduamente ás mesmas, cando a súa asistencia sexa igual ou superior ó 85% das horas lectivas programadas, e expresarse, neste documento, a natureza da actividade e as datas da súa realización.
Santiago de Compostela, 20 de novembro de 1998.
Domingo Bello Janeiro
Director da Escola Galega de Administración
Pública
10447
