Rematado o prazo de admisión de instancias para o curso sobre licencias e protección da legalidade urbanística que se convocou por Resolución do 13-10-1998 (DOG nº 205, do 22 de outubro) e á vista do elevado número de solicitudes, convócase unha segunda edición do dito curso que se rexerá polas mesmas bases, ás que deberán engadirse as seguintes:

Primeira.-Datas de realización.

A segunda edición do curso terá lugar entre o 30 de novembro e o 4 de decembro de 1998.

Segunda.-Prazo.

Ábrese un novo prazo de presentación de instancias que rematará o día 25 de novembro de 1998. As persoas que solicitaran o primeiro curso e non fosen admitidas non necesitarán formular unha nova solicitude.

A admisión notificaráselles persoalmente ós seleccionados.

Santiago de Compostela, 10 de novembro de 1998.

Domingo Bello Janeiro

Director da Escola Galega de Administración

Pública

9992