Examinado o expediente por instancia de Aurelia Rodríguez Rodríguez, en solicitude de cambio de titularidade e denominación do centro privado que imparte ensinanzas da área tecnolóxico-práctica de perruquería denominado Astarté Nuevo Estilo Chelo Vigo, con domicilio na r/ Andrés Gaos, 34 baixo, da Coruña.
Vistos o Decreto 133/1995, do 10 de maio (DOG do 22) e a Orde do 20 de setembro de 1995 pola que se desenvolve o antedito decreto (DOG do 15 de decembro).
Considerando que concorren no expediente tódolos requisitos esixidos nas disposicións vixentes para poder acceder ó solicitado, esta consellería, por proposta da Dirección Xeral de Centros e Inspección Educativa
DISPÓN:
Primeiro.-Autoriza-lo cambio de titularidade do centro privado de perruquería Astarté Nuevo Estilo Chelo Vigo da Coruña, a favor de Aurelia Rodríguez Rodríguez, con tódolos dereitos e obrigas contraídas pola cesionista Consuelo Vigo Botana, sen prexuízo das responsabilidades que puidesen recaer sobre a anterior titular do centro por actos ou omisións realizados antes do cambio de titularidade que se autoriza.
Segundo.-Autoriza-lo cambio de denominación do centro Astarté Nuevo Estilo Chelo Vigo, pola de Astarté Unisex.
Terceiro.-O cambio de titularidade e de denominación non afectará ó réxime de funcionamento do centro.
Santiago de Compostela, 4 de novembro de 1998.
Celso Currás Fernández
Conselleiro de Educación e Ordenación Universitaria
10343