Na sesión conxunta celebrada o día 29 de outubro de 1998 polos tribunais números un, dous, tres e catro designados para xulga-lo proceso selectivo para o acceso ó corpo facultativo superior da Administración da Xunta de Galicia (grupo A) convocado pola Orde do 14 de outubro de 1997, acordouse, de conformidade co disposto na base III.10 da convocatoria, que o primeiro exercicio se celebrará o vindeiro día 28 de novembro de 1998 na Escola Galega de Administración Pública (EGAP) de Santiago de Compostela, sita na rúa Madrid, nº 2-4, e que se efectuará o chamamento dos aspirantes nas seguintes quendas:

1ª quenda: ás 8 horas, chamamento dos aspirantes pertencentes ós seguintes tribunais e materias:

Tribunal 1-A. Materias: bioloxía pesqueira.

Tribunal 2-A. Materias: coñecemento do buque, estabilidade, manobra, regulamentos e estiba, hixiene no traballo e primeiros auxilios a bordo e inglés marítimo.

Tribunal 3-A. Materias: motores de combustión interna e instalacións propulsoras, sistemas mecánicos e pneumohidráulicos, física, matemáticas e debuxo técnico.

Tribunal 4-A. Materias: todas.

2ª quenda: ás 11.30 h., chamamento dos aspirantes pertencentes ós seguintes tribunais e materias:

Tribunal 1-A. Materias: cultivos mariños.

Tribunal 2-A. Materias: dereito marítimo e lexislación pesqueira e seguridade marítima.

Tribunal 3-A. Materias: sistemas auxiliares, vapor e frío e sistemas eléctricos e electrónicos.

3ª quenda: ás 17 horas, chamamento dos aspirantes pertencentes ós seguintes tribunais e materias:

Tribunal 2-A. Materias: navegación e meteoroloxía e pesca marítima.

Os aspirantes deberán ir provistos do documento nacional de identidade ou documento acreditativo fidedigno da súa identidade a xuízo do tribunal. Así mesmo, presentaranse provistos do correspondente lapis para a realización do exercicio.

Santiago de Compostela, 29 de outubro de 1998.

Enrique Álvarez Romero

Presidente do tribunal nº 1

10182