A Fundación Galicia-Europa convoca unha bolsa para financia-la realización de prácticas de licenciados universitarios na oficina da Fundación Galicia-Europa en Santiago de Compostela, ó longo do ano 1999, co fin de completar e aplica-los coñecementos adquiridos no transcurso dos seus estudios.
Requisitos:
1. Ter realizados estudios universitarios completos de segundo ciclo.
Será mérito preferente ter realizado estes estudios nalgunha das universidades galegas.
2. Ter un expediente académico con media de notable.
3. Coñecemento do francés e inglés ademais do castelán e do galego.
4. Ter nacido despois do 31-12-1968.
5. Ter residencia en Galicia.
6. Te-la nacionalidade dun dos estados membros da Unión Europea.
7. Terán preferencia aqueles candidatos que realizasen estudios postuniversitarios en relación con temas comunitarios.
8. Será mérito preferente ter desfrutado dunha bolsa na oficina da Fundación Galicia-Europa en Bruxelas.
Duración das prácticas:
As prácticas estenderanse do 15 de xaneiro ata o 15 de decembro de 1999.
Contía da bolsa:
A contía da bolsa será de once mensualidades de 140.000 ptas./mes brutas para aloxamento e manutención. O candidato seleccionado debe acredita-la súa cobertura médica para o período de prácticas.
Data límite de presentación da solicitude das bolsas:
As solicitudes poderanse presentar ata o 11 de decembro de 1998.
Selección:
A Fundación Galicia-Europa realizará a selección dos candidatos en función dos méritos acreditados por estes.
Información e presentación de solicitudes:
Xunto coa solicitude de bolsa, segundo o modelo do anexo I, deberá presentarse expediente académico, currículum vitae e demais documentación acreditativa do cumprimento dos requisitos esixidos.
As solicitudes deberán presentarse na Fundación Galicia-Europa, rúa dos Feáns, 5, baixo, 15706 Santiago de Compostela. Teléfono: 981 54 10 12. Fax: 981 54 10 13. Horario de 9 a 14 horas.
Santiago de Compostela, 26 de outubro de 1998.
Dositeo Rodríguez Rodríguez
Secretario xeral da Fundación Galicia-Europa
10261
