Pablo González Carreró-Fojón, maxistrado-xuíz do Xulgado de Primeira Instancia número nove dos da Coruña e o seu partido.

Polo presente edicto fago saber que neste xulgado do meu cargo se tramita expediente sobre declaración de herdeiros (dimanante dos autos de prevención de ab intestado número 44/1997-E) de María del Carmen Quiñoy Fernández, maior de idade, solteira, veciña da Coruña, filla de Ramón e de Filomena, nacida en Arzúa o 19 de outubro de 1918, e falecida na súa casa na Coruña o día 29 de maio de 1997. Ata o momento só se ten noticia de tres parentes da defunta: José, Lino e Victoriano Quiñoy Ramós, ó parecer primos da falecida (4º grao colateral), polo que, conforme o establecido no artigo 984 da Lei de axuizamento civil, chamo a tódalas persoas que se crean con igual ou mellor dereito á herdanza de María del Carmen Quiñoy Fernández para que dentro do termo de 30 días contados desde o seguinte ó da publicación do presente edicto, comparezan neste xulgado e o reclamen.

Dado na Coruña o trece de marzo de mil novecentos noventa e oito.

O maxistrado-xuíz

Rubricado

9830