Con data do 26 de outubro de 1998, o Comité Galego de Xustiza Deportiva recibe da Sección Primeira da Sala do Contencioso-Administrativo do Tribunal Superior de Xustiza de Galicia providencia pola que se admite o recurso contencioso-administrativo número 01/0000971/1998, interposto pola Agrupación Deportiva Peñarredonda, contra a resolución do Comité Galego de Disciplina Deportiva, do 22 de maio de 1998, ó recurso número 452 sobre a descalificación do equipo de categoría benxamín do Club Agrupación Deportiva Peñarredonda.

En consecuencia, a Secretaría Xeral para o Deporte acordou nesta data, e de conformidade co disposto no artigo 64 da Lei reguladora da xurisdicción contencioso-administrativa modificada pola Lei 10/1992, do 30 de abril, a remisión do expediente administrativo á referida sala, o que se lles notifica para xeral coñecemento a tódalas persoas interesadas no procedemento e son emprazadas para que poidan comparecer como parte en autos na Sección Primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 30 de outubro de 1998.

Dositeo Rodríguez Rodríguez

Conselleiro da Presidencia e Administración

Pública

10353