Resolución da Alcaldía do Concello de Lugo do 8 de outubro de 1998, pola que se anuncia a aprobación das bases específicas aprobadas polo Concello Pleno, en sesión ordinaria celebrada o día 7 de setembro de 1998, e que rexerán nas convocatorias de prazas vacantes no cadro de persoal para o ano 1998, mediante o sistema de quenda libre e promoción interna e que a continuación se detallan:

1. Quenda libre:

A) Cadro de persoal de funcionarios:

-Unha praza de farmacéutico (grupo A).

-Unha praza de médico (grupo A).

-Unha praza de asistente social (grupo B).

-Unha praza de técnico medio no departamento de Participación Cidadán (grupo B).

-Unha praza de técnico medio no Servicio de Organización e Control Orzamentario (grupo B).

-Unha praza de técnico no Servicio de Facenda Local (grupo B).

-Tres prazas de auxiliar de Administración xeral (grupo D).

-Dúas prazas de administrativo de Administración xeral (grupo C).

-Unha praza de encargado/a de pisos de acollida (grupo D).

2. Promoción interna:

A) Cadro de persoal de funcionarios:

-Unha praza de oficial no Servicio de Arquitectura (grupo D).

-Tres prazas de oficial-xardineiro (grupo D).

-Unha praza de oficial-cociñeiro (grupo D).

-Cinco prazas de técnico medio xestión de Administración xeral (grupo B).

-Unha praza de conserxe (grupo D).

-Unha praza de técnico superior de Administración xeral na área de Policía, Tráfico e Transportes (grupo A).

-Unha praza de axudante-xardineiro (grupo E).

-Dúas prazas de cabo no Servicio de Extinción de Incendios (grupo D).

-Unha praza de oficial brigada sinalización viaria (grupo D).

-Seis prazas de administrativos de administración xeral (grupo C).

B) Cadro de persoal laboral:

-Dúas prazas de oficial-xardineiro (grupo D).

-Dúas prazas de axudante-xardineiro (grupo E).

No BOP de Lugo, con data do 21-5-1992, foron publicadas integramente as bases xerais para a provisión de prazas mediante o sistema de concurso-oposición e, así mesmo, no citado boletín, con data do 2-10-1998, foron publicadas as bases específicas.

O prazo de presentación de solicitudes será de 20 días naturais, contados a partir do seguinte ó da publicación do extracto das convocatorias no BOE.

Os sucesivos anuncios referentes ás ditas prazas publicaranse no BOP de Lugo e no taboleiro de anuncios do concello, de conformidade co previsto nas bases.

Lugo, 8 de outubro de 1998.

O alcalde

Rubricado

10179