A Comisión de Goberno deste concello, en sesión celebrada o día 25 de setembro de 1998, acordou prestar aprobación inicial ó estudio de detalle presentado pola entidade Promociones Sanxenxo, S.L., para reordenación de volumes en soar situado nas rúas Vigo e nº 13 da vila de Sanxenxo, segundo documentación redactada pola arquitecta Mercedes Maquieira Miguens.
Exponse o expediente a información pública polo prazo dun mes, contado a partir do día seguinte a aquel en que sexa publicado o anuncio no Diario Oficial de Galicia, co obxecto de que quen se considere prexudicado ou afectado, poida formula-las alegacións que coide procedentes.
De conformidade co disposto no artigo 34.2º da Lei 1/1997, do solo de Galicia, e 120 do Regulamento de planeamento urbanístico, suspéndese o outorgamento de licencias para a área do territorio obxecto da modificación.
Este anuncio suple as circunstancias que poidan concorrer no disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común.
Sanxenxo, 9 de outubro de 1998.
José Luis Rodríguez Lorenzo
Alcalde
9621