Anuncio de licitación. De conformidade co disposto no artigo 79 da Lei 13/1995, do 18 de maio, de contratos das administracións públicas, anúnciase concurso, con procedemento aberto, para adxudica-las obras de ampliación do cemiterio municipal de Fene, 2ª fase do cuarteirón G, consonte o seguinte contido:

1. Obxecto do contrato: é obxecto do contrato a execución das obras de ampliación do cemiterio municipal de Fene, 2ª fase do cuarteirón G.

2. Tipo de licitación: sinálase como tipo de licitación máximo o de 45.629.380 pesetas, IVE incluído.

3. Duración do contrato: o prazo de execución das obras é de cinco (5) meses.

4. Pagamento: o pagamento do prezo de adxudicación farase efectivo con cargo á partida 1998.443.689.00 do orzamento muncipal de gastos.

5. Exposición de pregos de cláusulas administrativas: durante os oito primeiro días hábiles seguintes ó da publicación deste anuncio, na secretaría do concello suspendéndose a licitación no caso de impugnación.

6. Exposición do proxecto: o proxecto das obras foi aprobado pola corporación municipal en sesión do 15 de outubro de 1998 e permanecerá exposto ó público na Secretaría deste concello por espacio dun mes.

7. Garantías provisional e definitiva: a garantía provisional será de 912.599 ptas. e a definitiva de 1.825.175 ptas.

8. Clasificación do contratista: requírese a clasificación no grupo C, edificacións, subgrupo 2, estructura de fábrica ou formigón, categoría d.

9. Presentación de proposicións: durante os venteseis días naturais seguintes ó da publición do anuncio de licitación no BOP e no DOG, en horas das 10 ás 13, no rexistro xeral da Casa do Concello, en tres sobres pechados asinados polo licitador ou persoa que represente.

10. Apertura do sobre que conterá a proposición económica: terá lugar ás 11 horas de sétimo día hábil seguinte ó da conclusión do prazo para presentación de proposicións.

11. Modelo de proposición: as proposicións axustaranse ó seguinte modelo:

Don/Dona ..., con domicilio en ... rúa ... nº ... teléfono ... con DNI (ou pasaporte ou documento que o substitúa) nº ... actuando en nome propio (ou en representación de ... DNI ou CIF nº ... e con domicilio en ... nº ... teléfono ...) toma parte no concurso, con procedemento aberto, para a adxudicación da execución das obras comprendidas no proxecto de ... e para tales efectos fai constar:

1) Que ofrece o prezo de ... ptas. que significa unha baixa de ... ptas. en relación co tipo de licitación.

2) Que coñece e acepta cantas obrigas se deriven dos pregos de condicións deste contrato.

En ..., ... de ... de 19...

O licitador (asinado e rubricado).

Fene, 16 de outubro de 1998.

Xosé Mª Rivera Arnoso

Alcalde

9535