A Consellería de Educación e Ordenación Universitaria, por Orde do 27 de xaneiro de 1994, autorizou a implantación do novo bacharelato en distintos centros da Comunidade Autónoma.
De acordo coa liña iniciada e co fin de lles dar continuidade nos estudios ós alumnos que, tendo superadas as ensinanzas de educación secundaria obrigatoria, demanden o acceso ó novo bacharelato establecido na Lei orgánica 1/1990, do 3 de outubro, de ordenación xeral do sistema educativo, procede a autorización da implantación en determinados centros das modalidades de bacharelato previstas no
Decreto 275/1994, do 29 de xullo, polo que se establece o currículo do bacharelato na Comunidade Autónoma de Galicia.
Na súa virtude e de conformidade coa proposta formulada pola Dirección Xeral de Centros e Inspección Educativa
DISPOÑO:
Primeiro.-Autoriza-los centros que se relacionan no anexo da presente orde para implantaren de xeito progresivo o bacharelato segundo o currículo aprobado polo Decreto 275/1994, do 29 de xullo.
Segundo.-A implantación das ensinanzas do novo sistema educativo suporá a extinción progresiva dos grupos correspondentes a plans de estudios derivados da Lei 14/1970, do 4 de agosto, agás as excepcións que, debidamente xustificadas, sexan autorizadas por esta consellería.
Terceiro.-Autorízase a Dirección Xeral de Centros e Inspección Educativa para adopta-las medidas precisas para a execución da presente orde.
Santiago de Compostela, 19 de outubro de 1998.
Celso Currás Fernández
Conselleiro de Educación e Ordenación
Universitaria
ANEXO
Autorizacións de novos bacharelatos:
curso 1998/1999
-Provincia: A Coruña.
1. IES de Ames. Ames (código 15027721).
a) Bacharelato de ciencias da natureza e da saúde.
b) Bacharelato de humanidades e ciencias sociais.
2. IES de Laracha. Laracha (código 15027654).
a) Bacharelato de ciencias da natureza e da saúde.
b) Bacharelato de humanidades e ciencias sociais.
-Provincia: Lugo.
3.IES Perdouro. Burela (código 27013934).
a) Bacharelato de humanidades e ciencias sociais.
-Provincia: Pontevedra.
4. IES Francisco Asorey. Cambados (código 36019396).
a) Bacharelato de humanidades e ciencias sociais.
b) Bacharelato de tecnoloxía.
5. IES de Forcarei. Forcarei (código 36019323).
a) Bacharelato de humanidades e ciencias sociais.
6. IES Chan do Monte. Marín (código 36015159).
a) Bacharelato de humanidades e ciencias sociais.
7. IES Nº 6 de Vigo. Vigo (código 36014568).
a) Bacharelato de humanidades e ciencias sociais.
b) Bacharelato de tecnoloxía.
8822
