A Corporación Municipal deste concello, en sesión celebrada o día 25 de setembro de 1998, acordou prestar aprobación inicial ó expediente de modificación puntual das normas subsidiarias de planeamento do municipio, en Paxariñas-Adina, que ten por obxecto a inclusión dun terreo que na actualidade está clasificado como solo rústico de protección forestal, dentro do ámbito do núcleo de recente formación delimitado pola COTOP, sendo de aplicación a ordenanza número 11 «Núcleo de recente formación».

Exponse o expediente a información pública durante o prazo dun mes, contado a partir do día seguinte ó da inserción deste anuncio no Diario Oficial de Galicia,, co obxecto de que as persoas que se consideren prexudicadas ou afectadas poidan formula-las alegacións que consideren procedentes.

De conformidade co disposto no artigo 34.2º da Lei 1/1997, do solo de Galicia, e 120 do Regulamento de planeamento urbanístico, suspéndese o outorgamento de licencias para a área do territorio obxecto da modificación.

Sanxenxo, 9 de outubro de 1998.

José Luís Rodríguez Lorenzo

Alcalde

9466