Perante este Xurado Provincial de Montes Veciñais en Man Común tramítanse os expedientes de clasificación dos montes coas características que a seguir se indican:
-Expediente número 6/1998.
Denominación: monte de Argomoso.
Comunidade propietaria: veciños da parroquia de Argomoso.
Concello: Mondoñedo.
Superficie: 263 ha.
Lindeiros:
Os do termo parroquial son:
Norte: termos da parroquia de Mondoñedo-Santiago, en parte polo río Valiñadares. Leste: termos da parroquia de Lindín. Sur: monte Moncapelo, mancomunado desta parroquia de Argomoso coas de Lindín e Santa María a Maior, e termo municipal da Pastoriza. Oeste: termos e montes da parroquia de Mondoñedo-Santiago, en parte polo río Valiñadares.
Descrición do perímetro:
Os únicos límites salientables no perímetro destes montes da parroquia de Argomoso son polo sur co citado monte Moncapelo, mancomunado das parroquias de Argomoso, Lindín, e Maior, subindo desde Farrapa cara ó suroeste segundo o cume da lomba de Moncapelo ata chegar á Campa da Tenda do Rei, onde xa é termo municipal da Pastoriza, co que segue o marco cara ó nordeste baixando a Cristo do Fiouco.
-Expediente número 10/1998:
Denominación: monte Valiño Bo.
Comunidade propietaria:veciños da parroquia de Vilar de Donas.
Concello: Palas de Rei.
Superficie: 9,4 ha.
Lindeiros:
Norte: rego de Parada. Leste: termo da parroquia de Covelo. Sur: estrada Lugo-Santiago de Compostela. Oeste: predios na posesión de Manuel Parada e Sergio Rodríguez.
-Expediente número 15/1998.
Denominación: monte Cadaval, Louseiras e Toxal Novo.
Comunidade propietaria: veciños do lugar de Vilaseñor.
Parroquia: Vilarente.
Concello: Abadín.
Superficie: 12,5 ha.
Lindeiros:
Parcela I (Cadaval):
Norte: monte da comunidade de Abeledo. Leste: termo municipal da Pastoriza. Sur: predios particulares de veciños de Vilaseñor. Oeste: predios particulares de veciños de Vilaseñor.
Parcela II (Louseiras):
Norte: predios particulares de veciños de Vilaseñor. Leste: camiño e predios particulares. Sur: máis predios particulares de veciños de Vilaseñor. Oeste: máis predios particulares de veciños de Vilaseñor.
Parcela III (Toxal Novo):
Norte: predios particulares de veciños de Vilaseñor e Vilarente. Leste: predios particulares de veciños de Vilaseñor e Vilarente. Sur: predios particulares de veciños de Vilaseñor e Vilarente. Oeste: predios particulares de veciños de Vilaseñor e Vilarente.
En virtude do acordado polo xurado na sesión celebrada coa data do 25 de outubro de 1995 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, polo presente edicto faise pública a iniciación dos expedientes indicados co obxecto de que, de acordo co previsto no artigo 23 do Regulamento do 23 de setembro de 1992 para a execución da citada lei, cantas persoas, organismos e corporacións resulten interesadas poidan comparecer e intervir nos expedientes iniciados e formular perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación cos montes, achegando se é o caso, a documentación que consideren conveniente ó respecto.
Lugo, 30 de setembro de 1998.
Luis González Vázquez
Presidente do Xurado Provincial de Montes
Veciñais en Man Común de Lugo
9763