A Xerencia Xeral do Complexo Hospitalario de Santiago de Compostela, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG do 11-5-1998) da Consellería de Sanidade e Servicios Sociais, convoca o seguinte concurso público:

Obra: reparación do firme de vías rúas interiores do acceso a vehículos, no Complexo Hospitalario de Santiago de Compostela.

Clave: Exp. 105/1998.

Orzamento estimado: 9.038.549 pesetas (nove millóns trinta e oito mil cincocentas corenta e nove pesetas), IVE incluído.

Prazo de execución: quince días, desde o día seguinte á acta de comprobación do replanteo.

Clasificación:

Grupo: G. Subgrupo: 3 e 4. Categoría: A.

Os empresarios que non acrediten clasificación deberán achega-la documentación esixida nos números 1, 2 e 3 da cláusula 8.4º do prego tipo de cláusulas administrativas particulares.

Garantía provisional: non se esixe.

Forma de adxudicación: concurso público, procedemento aberto e urxente.

Admisión de variantes: non se admiten.

Criterios de adxudicación: os que se establecen na cláusula 11 do prego tipo de cláusulas administrativas particulares.

Documentos de interese para os licitadores: o prego de cláusulas administrativas particulares e demais documentación complementaria poden ser solicitados no Departamento de Contratación Administrativa do Hospital Xeral de Galicia, rúa Galeras s/n 15705 Santiago de Compostela, en días laborables desde as 9 ata as 14 horas.

Presentación de proposicións: as proposicións deberán presentarse en man, en sobres pechados e asinados polo licitador ou persoa que o represente, no rexistro xeral do Hospital Xeral de Galicia, rúa Galeras s/n 15705 Santiago de Compostela, antes das 14 horas do décimo terceiro día natural contado a partir do seguinte ó da publicación desta resolución no DOG, ou por correo no xeito indicado no prego de cláusulas administrativas particulares. No caso de que o devandito día coincida en sábado ou festivo, o prazo de presentación finalizará o seguinte día hábil.

Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Xeral de Galicia ás 10 horas do décimo día natural contado a partir do seguinte a aquel no que finalice o prazo de presentación de ofertas; en caso de que o dito día coincida en sábado ou festivo, a apertura das proposicións terá lugar o primeiro día hábil seguinte.

Documentación que deberán achega-los licitadores: a documentación que figura no prego de cláusulas administrativas particulares.

Anuncios: os anuncios do presente concurso público serán por conta do adxudicatario do contrato.

Santiago de Compostela, 14 de outubro de 1998.

Manuel Ariza López

Xerente xeral do Complexo Hospitalario

de Santiago de Compostela

9634