De conformidade coa proposta elevada pola comisión constituída para xulga-lo concurso convocado por resolución desta universidade do 2 de decembro de 1997 (BOE do 5 de xaneiro de 1998), para a provisión da praza de profesora titular de universidade, da área de coñecemento de farmacia e tecnoloxía farmacéutica, do departamento de Farmacia e Tecnoloxía Farmacéutica da Univesidade de Santiago de Compostela, a favor de María del Carmen Remuñán López e tendo en conta que a interesada cumpre os requisitos ós que alude o punto 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María del Carmen Remuñán López, profesora titular de universidade da área de coñecemento de farmacia e tecnoloxía farmacéutica, do departamento de Farmacia e Tecnoloxía Farmacéutica da Universidade de Santiago de Compostela.

Santiago de Compostela, 8 de outubro de 1998.

Darío Villanueva Prieto

Rector da Universidade de Santiago de Compostela

9236