Por Resolución do 4 de maio de 1998, da Dirección Xeral de Industria, autorizouse administrativamente, declarouse a utilidade pública e aprobouse o proxecto de execución da liña aérea de transporte de enerxía eléctrica a 132 kV Sub. de Mondoñedo-parques eólicos de Montouto-O Cadramón-Soán-Nordés nos termos municipais do Valadouro, Alfoz, Abadín e Mondoñedo. (Expediente 4817 A.T.).

Declarada a utilidade pública e a urxente ocupación de conformidade co disposto no artigo 53 da Lei 54/1997, do sector eléctrico, procede inicia-lo procedemento expropiatorio.

Na súa virtude, esta delegación provincial en cumprimento do disposto no artigo 52 da Lei de expro

piación forzosa, resolve convoca-los titulares de bens e dereitos afectados que se mencionan no anexo para que comparezan nos concellos onde se localizan os predios afectados, como punto de reunión para, de conformidade co procedemento que establece o citado artigo, levar a cabo o levantamento de actas previas á ocupación e, se procedese, o da ocupación definitiva.

Tódolos interesados, ós que se lles practicará notificación para o efecto, así como as persoas que sexan titulares de calquera clase de intereses ou bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e un notario, se o consideran oportuno, con gastos pola súa conta.

Así mesmo, advírteselles a tódolos interesados afectados que poderán formular alegacións por escrito nesta delegación provincial ata o momento do levantamento das actas previas, para os únicos efectos de rectificar posibles erros na relación de bens e dereitos afectados.

Desta convocatoria darase traslado a cada interesado mediante a oportuna cédula de citación individual, na que se lle sinalarán o día e a hora para o levantamento de actas.

Esta publicación realízase igualmente, para os efectos que determina o artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, nos casos de titulares descoñecidos segundo se menciona no anexo.

No expediente expropiatorio Norvento, S.L. e Ineuropa Eólica del Xistral, S.A. asumirán a condición de beneficiarias.

Lugo, 7 de outubro de 1998.

Serafín Núñez Ramos

Delegado provincial substituto de Lugo

ANEXO

RELACIÓN DE BENS E DEREITOS QUE SE AFECTEN

Concello de: Mondoñedo

Concello de: Abadín

Concello de: Alfoz

9149