A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso e trámite de urxencia, dos seguintes contratos de servicios:
1. Desinsección e saneamento dos bens afectados por xilófagos e fungos de putrefacción no conxunto retablístico do ámbito das provincias de Ourense e Lugo.
-Orzamento de licitación: 8.767.000 ptas. (oito millóns setecentas sesenta e sete mil pesetas), IVE incluído.
-Prazo de execución: vinte (20) días.
-Garantía provisional: non se esixe.
-Clasificación do contratista: non se esixe.
2. Desinsección e saneamento dos bens afectados por xilófagos e fungos de putrefacción no conxunto retablístico do ámbito das provincias de Pontevedra e A Coruña.
-Orzamento de licitación: 5.233.000 ptas. (cinco millóns duascentas trinta e tres mil pesetas), IVE incluído.
-Prazo de execución: dezasete (17) días.
-Garantía provisional: non se esixe.
-Clasificación do contratista: non se esixe.
3. Desinsección e saneamento dos bens afectados por xilófagos e fungos de putrefacción no conxunto catedralicio da Nosa Señora dos Remedios de Mondoñedo e Santa Mª de Lugo.
-Orzamento de licitación: 10.600.000 ptas. (dez millóns seiscentas mil pesetas), IVE incluído.
-Prazo de execución: dezasete (17) días.
-Garantía provisional: non se esixe.
-Clasificación do contratista: non se esixe.
4. Desinsección e saneamento dos bens afectados por xilófagos e fungos de putrefacción no conxunto catedralicio de San Martiño de Ourense.
-Orzamento de licitación: 8.300.000 ptas. (oito millóns trescentas mil pesetas), IVE incluído.
-Prazo de execución: dezasete (17) días.
-Garantía provisional: non se esixe.
-Clasificación do contratista: non se esixe.
-Exposición da documentación: os pregos de prescricións técnicas e os pregos de cláusulas administrativas estarán de manifesto no Servicio de Obras e Contratación da Consellería de Cultura, Comunicación Social e Turismo, e nas delegacións provinciais durante o prazo de presentación de proposicións, das 10 ás 14 horas, e no teléfono 981 58 89 38.
-Prazo de presentación de proposicións: será ata as 14 horas do décimo terceiro día natural, contado a partir do día seguinte ó da publicación da presente resolución no Diario Oficial de Galicia.
-Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
-Documentación que presentarán os licitadores: a establecida pola cláusula 7 do prego de cláusulas administrativas particulares. Os licitadores que se presenten a máis dunha contratación deberán presentar toda a documentación para cada un dos contratos.
-Apertura de proposicións: será realizada pola mesa de contratación ás 11 horas do quinto día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
-O importe do anuncio do presente concurso será por conta dos adxudicatarios.
Santiago de Compostela, 7 de outubro de 1998.
Andrés González Murga
Secretario xeral da Consellería de Cultura,
Comunicación Social e Turismo
9175