O Concello de Nigrán, por acordo plenario do 31 de xullo de 1998, aprobou definitivamente, en virtude da delegación prevista na Lei 1/1997, do solo de Galicia, en relación coa Lei de delegación e distribución de competencias en materia de urbanismo, o proxecto de modificación singular das normas subsidiarias de ordenación urbana do municipio de Nigrán relativa á ordenación da UA-21, na Ramallosa. O que se fai público de conformidade co disposto no artigo 48 da Lei 1/1997, do solo de Galicia.

A citada resolución ponlle fin á vía administrativa polo que contra ela cabe interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a publicación deste anuncio. A interposición do referido recurso requirirá a comunicación previa ó órgano que dictou o acto impugnado. Todo isto sen prexuízo de que se poida interpoñer, se é o caso, calquera outro recurso que se considere procedente.

Nigrán, 7 de setembro de 1998.

José Villar Pereira

Alcalde

9167