Dentro do plan de actividades da Escola Galega de Administración Pública para 1998 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócase, en colaboración coa Comunidade de Traballo Galicia-Rexión Norte de Portugal e o Instituto Europeo de Administración Pública, un seminario internacional sobre a cooperación transfronteiriza en Europa, Galicia-Rexión Norte de Portugal e Latinoamérica, que se desenvolverá conforme ás seguintes bases:
1. Obxectivos.
Establecer un intercambio de experiencias entre países europeos e de Latinoamérica, sobre os procesos de integración e cooperación transfronteirizos no que se atopan inmersos; propoñer ideas para a mellora destes procesos e servir, ó mesmo tempo, como plataforma difusora destes instrumentos entre outros países incursos en similares circunstancias.
2. Contido.
Trataranse, entre outros, estes temas:
-Unha visión xeral da cooperación transfronteiriza na Unión Europea.
-A experiencia da Eurorrexión Maas-Rhein.
-A experiencia na rexión dos Pireneos.
-A cooperación empresarial Galicia-Norte de Portugal: desde a perspectiva de Portugal.
-A experiencia da Comunidade de Traballo de Galicia-Norte de Portugal: o punto de vista da Rexión Norte de Portugal.
-A experiencia da Comunidade de Traballo Galicia-Norte de Portugal: o punto de vista de Galicia.
-A cooperación empresarial Galicia-Norte de Portugal: dende a perspectiva de Galicia.
-Importancia e papel das rexións na integración en América Latina.
-A experiencia na rexión andina entre Arxentina e Chile.
-A experiencia na rexión da fronteira colombiano-venezolana.
3. Destinatarios.
Persoal ó servicio de calquera das administracións públicas galegas e interesados en xeral.
4. Desenvolvemento.
Horario: mañá e tarde.
Lugar e datas: o seminario convocado terá lugar no salón de actos da Escola Galega de Administración
Pública, en Santiago de Compostela, os días 2 e 3 de novembro.
5. Inscrición.
-Prazo: remata o mércores, día 28 de outubro de 1998.
-Tramitación de solicitudes: as solicitudes irán dirixidas ó director da Escola Galega de Administración Pública (polígono das Fontiñas, rúa de Madrid, 2-4, 15707, Santiago de Compostela), segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 37.
-Número de prazas: limitado á capacidade do local.
-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obter confirmación da súa
posible admisión, chamando, a partir do día 28 de outubro, por teléfono das 10 ás 14 horas, ós seguintes números: 981 54 62 39 ou 981 54 60 40.
6. Modificacións.
A EGAP reserva para si a facultade de interpretar e de resolve-las incidencias que puidesen xurdir no desenvolvemento deste seminario, así como a de cancelalo se o escaso número de solicitudes non xustificase a súa realización.
7. Certificación de asistencia.
Entregaráselles, ó remate deste seminario, a aqueles asistentes que concorresen asiduamente a este, cando a súa inasistencia non sexa igual ou superior ó 15% das horas lectivas programadas e expresarase neste documento a natureza da actividade e as datas da súa realización.
Santiago de Compostela, 28 de setembro de 1998.
Domingo Bello Janeiro
Director da Escola Galega de Administración
Pública
8985
