Por medio desta cédula, e en cumprimento do disposto no artigo 142 do Regulamento de VPO aprobado polo Decreto 2114/1968, do 24 de xullo, notifícaselles ós interesados, cos datos e último enderezo coñecido sinalado no anexo, o acordo de incoación dos correspondentes expedientes administrativos de desafiuzamento que, cos números que se indican, se iniciaron neste organismo por non destina-la vivenda a domicilio habitual e permanente do beneficiario ou arrendatario, causa prevista nos artigos 30.6º do Real decreto 2960/1976, do 12 de novembro, polo que se aproba o texto refundido da lexislación de VPO, e 138.6º do Regulamento de VPO; Decreto 2114/1968, do 24 de xullo.

Concédese un prazo de 15 días hábiles desde o seguinte ó da publicación desta cédula para a contestación ó acordo ante este Servicio Provincial do Instituto Galego da Vivenda e Solo; poderá achegar por escrito o que consideren conveniente e, se é o caso, achegará ou proporá as probas que crean oportunas para o seu descargo. Transcorrido o dito prazo darase por finalizado o trámite e o expediente seguirá o seu curso.

Para que conste e lles sirva de notificación ós interesados de enderezo descoñecido, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula na Coruña o 17 de setembro de 1998.

Mª Teresa Morán Calero

Xefe da área provincial da Coruña

ANEXO

-Nº expediente de desafiuzamento: 58/1997.

Adxudicatario: Manuel Porto Fidalgo e herdeiros.

Último domicilio coñecido: rúa Choupo, nº 3, 2º Esda. (Ferrol).

(0081-C-81, conta 84).

-Nº expediente de desafiuzamento: 59/1997.

Adxudicatario: Adoración Borja Camacho e herdeiros.

Último domicilio coñecido: Polígono de Vite, bloque 1, P-1, 3º A, r/ Touro (Santiago de Compostela).

(C-82/040, conta 7).

9108