O Pleno da Corporación, en sesión ordinaria celebrada o trinta de xullo de mil novecentos noventa e oito, acordou aprobar definitivamente o estudio de detalle da parcela número 4 do campus universitario en desenvolvemento do Plan Especial de Reforma Interior da unidade de actuación número 19 do vixente PXOU, instrumento formulado pola Universidade de Vigo e redactado polo arquitecto José Ramón Rúa Rodríguez, supervisado pola Unidade Técnica da Delegación Provincial da Consellería de Educación e Ordenación Universitaria do 25-3-1998, coa finalidade de establece-lo sinalamento das aliñacións as rasantes e a ordenación de volumes desta parcela, de acordo coas determinacións do PERI citado.
O que se fai público para a súa executividade, significándose que contra este acordo se poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ó desta publicación, logo de comunicación ó órgano que dictou o acto impugnado, e isto sen prexuízo de que se poida interpoñer, se é o caso, calquera outro recurso que se considere procedente.
Pontevedra, 4 de setembro do 1998.
Juan Luis Pedrosa Fernández
Alcalde
Julio Dapena Outomuro
Secretario xeral
8475