Por esta resolución, convócase a poxa para o alleamento de madeiras dos lotes que se citan no anexo, e de acordo co disposto no Decreto 244/1998, do 24 de xullo, da Consellería de Medio Ambiente e na orde da Consellería de Medio Ambiente do 8 de setembro de 1998 (Diario Oficial de Galicia do 16 de setembro).
Os ditos lotes estarán suxeitos no referente ó seu pagamento, a liquidación final de acordo cos productos extraídos e o prezo da tonelada fixado na poxa.
A súa celebración terá lugar no salón de actos da Delegación Provincial da Consellería da Presidencia e Administración Pública, sito na rúa Benito Corbal nº 47 de Pontevedra.
Para esta poxa rexerán a orde antes citada e mailos pregos de condicións técnico-administrativas xerais e particulares destas que figuran no expediente correspondente no Servicio de Montes e Industrias Forestais de Pontevedra, sito na rúa Benito Corbal, 47 desa cidade, onde poderán ser examinados polos interesados a partir do día da publicación no Diario Oficial de Galicia da presente resolución.
As ofertas poderanse presentar -durante os vinteseis días naturais seguintes ó da publicación no Diario Oficial de Galicia da presente resolución no rexistro da Delegación Provincial da Consellería de Medio Ambiente de Pontevedra ou en calquera das formas legalmente establecidas.
A apertura das proposicións será realizada pola mesa de contratación, que se reunirá ás once horas do noveno día hábil, que non cadre en sábado, contados a partir do termo do prazo de presentación das ofertas.
Cada licitador presentará dous sobres pechados para cada oferta. O sobre A coa documentación administrativa e o sobre B, coa oferta económica.
O sobre A, que contén a documentación administrativa, poderá ser único para tódalas poxas que se celebran ante a mesa e na mesma sesión.
Deberá conte-la seguinte documentación:
1. Acreditación da personalidade xurídica do empresario e, se é o caso, a súa representación.
2. Os xustificantes acreditativos de que están constituídas as fianzas provisionais, 2% do prezo de taxación, de acordo co disposto no artigo 36 da Lei 13/1995, de contratos das administracións públicas.
3. Declaración responsable de non estar incursa en prohibición de contratar, consonte os artigos 15 a 20 da Lei 13/1995, de contratos das administracións públicas.
4. Os que acrediten a cualificación empresarial do licitador.
5. Os que acrediten encontrarse ó día do cumprimento das obrigas tributarias e da Seguridade Social impostas nas disposicións vixentes.
No caso de que o licitador estea dado de alta no rexistro xeral de contratistas da comunidade autónoma deberá indicar na parte exterior do sobre o seu número, e incluír copia da inscrición da empresa no dito rexistro e os xustificantes acreditativos das fianzas provisionais.
O sobre B recollerá a proposición económica e presentarase no modelo normalizado que se encontra á disposición dos interesados no Servicio de Montes e Industrias Forestais de Pontevedra. Cada un dos lotes deberá figurar nun sobre B individual.
O adxudicatario constituirá a fianza definitiva do 4% máis un 6% de garantía complementaria, do prezo de adxudicación dentro dos vinte días seguintes ó da data na que regulamentariamente se lle comunique que a adxudicación é definitiva.
Dentro dese mesmo prazo deberá aboar:
1. O importe provisional do remate.
2. O importe das taxas.
3. Os gastos proporcionais deste anuncio.
4. Os demais que se establezan nos pregos particulares de aproveitamento.
Rematando o aproveitamento, efectuarase a súa liquidación definitiva e, de ser positiva a liquidación, o adxudicatario terá que facer efectivo o pagamento da diferencia entre o importe final resultante e o importe da adxudicación no prazo dos 15 días seguintes á dita liquidación final.
O adxudicatario deberá aboar, ademais das cantidades expresadas no anuncio, un 4,5% sobre o importe final resultante en concepto de IVE.
Santiago de Compostela, 18 de setembro de 1998.
P.D. (Orde 12-1-1998)
José Luis Aboal García Tuñón
Secretario xeral da Consellería de Medio Ambiente
SERVICIO DE MONTES E INDUSTRIAS FORESTAIS DE PONTEVEDRA
Relación de expedientes para poxa:
Expte. Monte Cidade Concello Nº Conv. Mot. Sit. Esp. Tm Ptas./Tm Taxas Fianza P.
48057 Monte de Arriba Ramil, Basadroa e A. Agolada 3615585 I-C.F. En pé P.pr. 250 800 14.095 4.000 48058 Alén Barciademera Covelo 3615593 V-R. En pé P.pr. 420 1.600 21.101 13.440 48059 Montes de Fornelos Fornelos Fornelos de Montes 3615653 I-C.F. En pé E.g. 440 1.500 21.418 13.200 48060 Fiedal Antas Lama, A 3615665 V-R. En pé P.pr. 1.125 2.000 47.307 45.000 48061 Sanomedio Camos Nigrán 3615022 V-R. En pé P.pr. 355 1.000 17.398 7.100 48062 Sanomedio Chandebrito Nigrán 3615012 V-R. En pé P.pr. 301 1.000 15.892 6.020 48063 San Mamede Priegue Nigrán 3615023 V-R. En pé P.pr. 877 1.000 31.954 17.540 48064 Arceiro e outros Burgueira Oia 3615546 V-R. En pé P.pr. 1.000 3.800 56.384 76.000 48065 Arceiro, Castelo e Magdalena Burgueira Oia 3615546 V-R. En pé P.pr. 1.418 1.200 49.167 34.032 48066 Valga e Lousado Loureza Oia 3615597 V-R. En pé P.pr. 1.000 3.800 56.384 76.000 48067 Beleitar e Portela Bora Pontevedra 2336 V-R. En pé P.pr. 120 1.000 9.211 2.400 48068 Galelo e Pedrada Barrantes Tomiño 3615629 V-R. En pé P.pr. 822 1.200 31.653 19.728 48069 Casaldeirigo Setecoros Valga 3615607 V-R. En pé P.pr. 800 2.800 40.607 44.800
8708
