Con data do 20 de agosto de 1998, a Xunta da Mancomunidade de Concellos do Morrazo aprobou o expediente de contratación para a adxudicción da consultoría/asistencia para a realización de traballos correspondentes ó desenvolvemento do Plan de Xestión Integral de RSU da mancomunidade.

De conformidade co sinalado no artigo 122.1º do Real decreto lexislativo 871/1986, do 18 de abril, exponse ó público durante oito días o prego de condicións, para os efectos de que poidan presentarse reclamacións, anunciándose ó mesmo tempo a licitación acordada, que se aprazará no suposto de que se formulasen alegacións.

1. Entidade adxudicadora: Mancomunidade de Concellos do Morrazo.

a) Órgano: Xunta de Goberno.

b) Dependencia que tramita o expediente: secretaría xeral.

c) Número de expediente: 2/1998.

2. Obxecto do contrato.

a) Descrición do obxecto: contratación para a adxudicación da consultoría/asistencia para a realización de traballos correspondentes ó desenvolvemento do Plan de Xestión Interal de RSU da mancomunidade.

b) Prazo de execución dos traballos: 5 meses desde o día seguinte ó da notificación da adxudicación.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base da licitación.

Importe total: cinco millóns de pesetas.

5. Garantías.

Provisional: non se esixe.

Definitiva: duascentas mil (200.000 ptas.) (4% do orzamento de licitación).

6. Obtención de documentación e información: Mancomunidade de Concellos do Morrazo, Secretaría xeral; Eduardo Vicenti nº 9, 36930, Bueu. Teléfono: 986 32 02 52. Fax: 986 32 20 99.

7. Requisitos específicos do contratista.

Clasificación: non se esixe.

8. Presentación de ofertas.

a) Data límite de presentación: dentro dos 26 días naturais seguintes ó da publicación deste anuncio no DOG. Se o último día coincidise en sábado, prorrogarase ó seguinte non festivo.

b) Documentación que hai que presentar: a indicada na cláusula 4 do prego de condicións.

c) Lugar de presentación: Secretaría Xeral da Mancomunidade de Concellos do Morrazo. Concello de Bueu.

9. Apertura de ofertas.

Ás 12 horas do día seguinte hábil, non sábado, a aquel no que remate o prazo de presentación de proposicións, na sala de sesións do Concello de Bueu, sede da mancomunidade.

Bueu, 25 de agosto de 1998.

Xosé Novas Piñéiro

Presidente

8294