A Comisión de Goberno, en virtude da delegación do alcalde, do 15-7-1996, en sesión do 10-8-1998 acordou aprobar, con carácter inicial, o plan especial de reforma interior da unidade de actuación número 2 do PXOU situada entre as rúas Juan Bautista Andrade, Luis Otero e Avenida de Compostela, que contén entre as súas determinacións a delimitacion de dous polígonos para a súa xestión, con sistema de actuación aplicable a cada un deles, sendo este instrumento urbanístico de desenvolvemento formulado, mediante iniciativa particular, por Prycoga, S.L. e composto do documento visado pola Delegación en Pontevedra do COAG con data do 7-1-1998 e o documento de emenda del con visado colexial do 3-6-1998, que reforma e anula os seus correlativos daquel, en función do informe previo emitido pola CPTOPV do 17-4-1998, sendo toda esta documentación redactada polo arquitecto Manuel Jesús Freijeiro, e requirir da entidade mercantil promotora

do PERI a presentación, durante a súa fase de información pública, dun texto refundido do documento presentado orixinariamente e a súa emenda tralo informe previo da CPTOPV, coa finalidade de unificar nun único texto do PERI toda á documentación inicialmente aprobada, téndose tamén que emenda-lo punto 2.4.1, de xeito que a base da calzada sexa de 25 cm de H-150 e con especial referencia á Lei 8/1997, do 20 de agosto, sobre accesibilidade e supresión de barreiras da Comunidade Autónoma de Galicia.

Durante o prazo dun mes, contado a partir da publicación deste anuncio no Diario Oficial de Galicia, poderá examinarse o expediente na Unidade Municipal de Fomento (rúa Dona Tareixa) e formularse as alegacións procedentes, servindo tamén este anuncio de notificación, ó abeiro do disposto no artigo 59 da Lei 30/1992, a tódolos propietarios ou interesados no procedemento directamente afectados que non poidan ser notificados individualmente, ben por descoñecidos ou porque se ignore o lugar de notificación, enderezo, medio, ou porque intentada, a notificación non se puidese practicar.

Pontevedra, 10 de setembro do 1998.

Juan Luis Pedrosa Fernández

Alcalde

Julio Dapena Outomuro

Secretario xeral

8809