De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ós denunciados, cos datos persoais e último enderezo coñecido que se sinalarán a seguir, resolucións dos correspondentes expedientes sancionadores acordadas polo delegado provincial da Consellería de Agricultura, Gandería e Montes de Ourense, por presuntas infraccións da Lei de caza 1/1970, do 4 de abril (BOE do 6 de abril) e do seu regulamento, Decreto 506/1971, do 25 de marzo (BOE do 30 de marzo).

O importe da sanción que en cada caso corresponda farase efectivo na conta 0388903110001181 de Caixa Galicia, empregando o impreso que se facilitará en calquera unidade administrativa pertencente á Xunta de Galicia, no prazo de quince días hábiles contados a partir do día seguinte ó da publicación da presente resolución, agás a presentación do recurso pertinente. No caso contrario procederase ó seu cobro pola vía executiva.

Faise constar que para obter ou renova-la licencia de caza, será requisito imprescindible acreditar ter aboada a multa que corresponda, unha vez sexa firme a resolución.

Contra esta resolución caberá interpoñer recurso ordinario no prazo dun mes contado a partir do día seguinte ó da presente publicación, perante o conselleiro de Medio Ambiente da Xunta de Galicia. De non se-lo caso, aquela adquirirá firmeza para tódolos efectos.

Ourense, 24 de agosto de 1998.

Agustín Prado Verdeal

Delegado provincial de Ourense

ANEXO

Nº expediente: 61/97 C.

Nome e apelidos do denunciado: Ángel Ramos Ramos.

Último enderezo coñecido: Vilariño-O Pereiro de Aguiar.

Feito denunciado: can incontrolado en época de veda.

Precepto infrinxido e sancionador: artigo 48.2º.24 da Lei de caza.

Sanción imposta: 3.500.

8767