Examinado o expediente incoado con data do 15 de xuño de 1998 pola Dirección Xeral de Industria, para determina-la compatibilidade ou prevalencia, se é o caso, entre os dereitos mineiros titularidade de Cuarzos Industriales, S.A. e as instalacións do parque eólico Vicedo, autorizadas pola citada Dirección Xeral de Industria mediante Resolución do 12 de maio de 1998 en beneficio de Eurovento S.L., resultan os seguintes

Antecedentes de feito.

Primeiro.-O día 22 de maio de 1997, Guillermo Briones Godino, en nome e representación de Eurovento, S.L. Unipersonal solicitou a autorización administrativa das instalacións, declaración de utilidade pública, aprobación do proxecto de execución e recoñecemento de instalación acollida ó réxime especial do parque eólico denominado Vicedo, de 24,6 MW, presentando a documentación regulamentariamente establecida para o efecto.

Segundo.-O 21 de novembro de 1997, Eurovento, S.L. Unipersonal, como titular do plan eólico denominado Pee Seawest, solicitou o recoñecemento como

instalación acollida ó réxime especial de producción eléctrica, ó abeiro do previsto no Real decreto 2366/1994, do 9 de decembro, xa citado, para determinados parques que se implantaría como consecuencia do desenvolvemento do citado plan eólico, entre os que figura o parque eólico do Vicedo, recoñecemento que se efectúa mediante resolución da Dirección Xeral de Industria do 24 de novembro de 1997.

Terceiro.-O proxecto, coa relación concreta e individualizada de bens e dereitos afectados, foi sometido a información pública mediante Resolución do 18 de decembro de 1997, para os efectos previstos no artigo 25.3º da Lei 10/1995, do 23 de novembro, de ordenación do territorio de Galicia, no artigo 52 da Lei 40/1994, do 30 de decembro, de ordenación do sistema eléctrico nacional, no artigo 10 do Decreto 2619/1996, do 20 de outubro, polo que se aproba o regulamento da Lei 10/1996, do 18 de marzo, de expropiación forzosa e sancións en materia de instalacións eléctricas, no artigo 9 do Decreto 2617, do 20 de outubro, e no artigo 13 do Decreto 205/1995, do 6 de xullo.

Cuarto.-Con data do 25 de febreiro, 29 de setembro e 21 de outubro de 1997, Roberto Almuiña Díaz, en nome e representación de Cuarzos Industriales, S.A., presenta escrito de alegacións, manifestando, en síntese que a súa representada é titular de diversos dereitos mineiros omitidos na resolución pola que se somete a información pública a solicitude en cuestión, sinalando ó respecto a concesión de explotación Conchitina nº 4980 e o permiso de investigación Conchitina 2 nº 5701, e solicitando, in fine, que se desestime a solicitude de autorización do parque eólico e a declaración da súa utilidade pública, por coincidir en parte a localización física dos dereitos mineiros e o proxecto de instalación daquel.

Quinto.-O 12 de maio de 1998, a Dirección Xeral de Industria resolve: 1º) autorizar a Eurovento, S.L. Unipersonal a instalación dos equipos electromecánicos do parque eólico denominado Vicedo, nos termos municipais do Vicedo e Viveiro, e aproba-lo proxecto de execución da citada instalación, e 2º) declara-la utilidade pública das instalacións que se autorizan dentro do polígono definido nesta resolución, para os efectos previstos no artigo 52 da Lei de ordenación do sistema eléctrico nacional.

Esta declaración de utilidade pública queda limitada ós bens non afectados pola concesión mineira Conchitina nº 4980, da que é titular Cuarzos Industriales, S.A.

Sexto.-Con data do 15 de xuño de 1998 a Dirección Xeral de Industria inicia expediente para determina-la compatibilidade ou prevalencia, se é o caso, entre os dereitos mineiros titularidade de Cuarzos Industriales, S.A. e o parque eólico do Vicedo, autorizado a Eurovento, S.L., e outorgando para o efecto un prazo dun mes para a vista do expediente polas

partes implicadas, co fin de formular cantas alegacións coidaren pertinentes.

Sétimo.-O 7 de xullo de 1998, Roberto Almuiña Díaz, en nome e representación de Cuarzos Industriales, S.A. interpón recurso ordinario contra a citada Resolución do 12 de maio de 1998, alegando o que considerou procedente en defensa dos intereses da súa representada e solicitando que se dicte no seu día nova resolución que, revogando a recorrida, a deixe sen efecto acordando denega-la solicitude de autorización do parque eólico do Vicedo nos termos aprobados, así como a súa declaración de utilidade pública, logo de declaración da incompatibilidade de ámbolos dous aproveitamentos, nos termos solicitados por Eurovento, S.L. ou, alternativamente, logo de anulación da resolución recorrida, dicte outra, se é que resulta procedente, autorizando a instalación do parque eólico en termos diferentes ós actuais, de maneira que, considerando o alegado por Cuarzos Industriales, S.A. resultara compatible cos dereitos mineiros da súa titularidade, considerando, en todo caso, a indemnización que a

favor de Cuarzos Industriales, S.A. resultase procedente.

Así mesmo, solicitaba que se acordase a suspensión da resolución impugnada.

Oitavo.-Dentro do prazo sinalado para o efecto durante a substanciación do procedemento de compatibilidade ou prevalencia de aproveitamentos, con data do 16 de xullo de 1998 recíbese nas dependencias da Consellería de Industria e Comercio escrito en nome e representación de Cuarzos Industriales, S.A., alegando, en resumo, que 1º) a improcedencia do presente trámite de audiencia; 2º) a incompatibilidade das instalacións autorizadas e os dereitos mineiros titularidade de Cuarzos Industriales, S.A., afectados por elas -Conchitina nº 4980, demasía a Conchitina e permiso de investigación Conchitina 2 nº 5701-; 3º) a prevalencia dos dereitos mineiros sobre o aproveitamento eólico, 4º) os danos e perdas de confirmarse a resolución recorrida; 5º) a suspensión da resolución da que trae causa o presente trámite de alegacións e solicitando que se dicte resolución que declare a incompatibilidade de ámbolos dous aproveitamentos nos termos solicitados polo proxectado por Eurovento, S.L., así como

a prevalencia dos dereitos mineiros titularidade de Cuarzos Industriales, S.A. ou alternativamente se autorice a instalación do parque eólico en termos diferentes ós actuais, de maneira que, considerando o alegado por esta parte, resultasen compatibles ámbolos dous aproveitamentos considerando, se é o caso, a indemnización que a favor de Cuarzos Industriales, S.A. resultase procedente.

Noveno.-Con data do 16 de xullo, José Manuel Pazo Paniagua, en nome e representación de Eurovento, S.L., e dentro do prazo outorgado para o efecto no expediente de compatibilidade ou, se é o caso, prevalencia de aproveitamentos, remítelle escrito á Consellería de Industria e Comercio alegando, polo que ó fondo do asunto se refire, 1º) a inexistencia

de vetas importantes de recurso mineral na área de implantación do parque eólico do Vicedo, 2º) a inactividade mineira durante máis de 25 anos na área agora en conflicto, 3º) a propiedade do 75% dos terreos necesarios para a instalación do parque eólico e 4º) a obtención dos preceptivos permisos, licencias e autorizacións outorgados polos órganos competentes para o desenvolvemento e construcción das instalacións e solicitando, in fine, a declaración de compatibilidade de ámbalas dúas actividades, que o proxecto que vai desenvolver Cuarzos Industriales dentro da súa concesión se realice a unha distancia non inferior a un radio de 350 metros a cada lado da liña de aeroxeradores proxectada ou, se é o caso, de que as estima incompatibles, a prevalencia do proxecto de Eurovento, S.L., todo iso sen prexuízo de que, de considerarse oportuno, se inste o oportuno expediente de caducidade da concesión Conchitina nº 4980.

DEécimo.-Con data do 30 de xullo de 1998 esta consellería resolve declarar que non procede a suspensión da resolución impugnada no referido recurso ordinario.

Décimo primeiro.-Con data do 4 de setembro, esta consellería resolve desestima-lo recurso ordinario interposto, cos fundamentos xurídicos que na resolución se conteñen, remitindo o pronunciamento sobre as alegacións formuladas pola entidade mercantil recorrente ó momento procedemental oportuno, que non é outro que o que agora se resolve.

Fundamentos de dereito.

Primeiro.-Esta consellería é competente para resolve-lo expediente de referencia, conforme o establecido no Estatuto de autonomía de Galicia (BOE nº 101, do 28 de abril); nos reais decretos 1634/1980, do 31 de xullo (BOE nº 191, do 9 de agosto) e 2563/1982, do 24 de xullo (BOE nº 246, do 14 de outubro, DOG nº 30, do 4 de decembro); nos decretos 6/1982, do 29 de xaneiro (DOG nº 2, do 12 de febreiro) e 132/1982, do 4 de novembro (DOG nº 30, do 4 de decembro), na Lei 1/1983, do 22 de febreiro, reguladora da Xunta e do seu presidente (DOG nº 23, do 21 de marzo), reformada pola Lei 11/1988, do 20 de outubro (DOG nº 208, do 28 de outubro), no Decreto 99/1998, do 26 de marzo, polo que se establece a estructura orgánica da Consellería de Industria e Comercio (DOGs nº 63, do 2 de abril, e 89, do 12 de maio) e na Lei 30/1992, do 26 de novembro, de réxime xurídico das administraciónes públicas e do procedemento administrativo común (BOE nº 285, do 27 de novembro).

Segundo.-Unha planificación adecuada no marco da política enerxética e mineira obriga a limita-los efectos do expediente tramitado a verifica-la compatibilidade ou incompatibilidade do aproveitamento eólico no autorizado parque do Vicedo cos aproveitamentos dos recursos minerais existentes na zona, sen que proceda resolver, no expediente que nos ocupa, sobre a situación xurídico-administrativa dos dereitos mineiros titularidade de Cuarzos Indus

triales dos que a afectación polas instalacións se alega.

Terceiro.-Do informe técnico elaborado pola Dirección Xeral de Industria, e á marxe doutras consideracións técnico-xurídicas alegadas reiteradamente polos titulares de dereitos afectados e alleas ó fondo do asunto que nos ocupa, dedúcese que ningún dos aeroxeradores se sitúa sobre o corpo filoniano existente na zona, sendo as distancias menores achadas de 61,235 m, 67,987 m e 72, 557 m ás turbinas designadas cos números 1, 22 e 21 respectivamente, polo que haberá que concluír, de conformidade co informe técnico citado, que a realización de estudios preliminares de voaduras in situ fan permisible a compatibilidade de ámbalas dúas actividades industriais.

Por todo o anterior, esta consellería, no exercicio das súas competencias en materia de planificación dos recursos naturais, tanto minerais coma enerxéticos, toda vez que a riqueza xerada ou que se vai xerar na nosa Comunidade Autónoma debe ser respectada, potenciada e, cando conflúan intereses contrapostos, coma no caso que nos ocupa, harmonizada, e por proposta da Dirección Xeral de Industria,

RESOLVE:

Primeiro.-Declara-la incompatibilidade da actividade de producción de enerxía eléctrica no parque eólico denominado Vicedo autorizada mediante resolución da Dirección Xeral de Industria en favor de Eurovento, S.L. coa explotación dos recursos minerais existentes no ámbito territorial afectado, titularidade de Cuarzos Industriales, S.A., sen prexuízo da resolución que no seu día sexa dictada polo órgano competente nos procedementos actualmente en curso sobre a agrupación de dereitos mineiros incoados pola dita entidade.

Segundo.-Declara-la utilidade pública das instalacións autorizadas mediante resolución da Dirección Xeral de Industria do 12 de maio de 1998, para os efectos de expropiación forzosa de tódolos bens e dereitos afectados polas instalacións autorizadas e para os efectos previstos no artigo 52 da Lei de ordenación do sistema eléctrico nacional.

Contra esta resolución, que é definitiva en vía administrativa, poderá interpoñerse, se é o caso, recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, na Coruña, no prazo de dous meses contados desde o día seguinte ó da súa notificación, logo da comunicación a esta consellería esixida no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo de que os interesados poidan exercitar calquera outro que coiden oportuno.

Santiago de Compostela, 10 de setembro de 1998.

P.D. (Orde 18-5-1994, DOG nº 100)

Manuel Barreiro Barbeito

Secretario xeral da Consellería de Industria

e Comercio

Relación de propietarios, bens e dereitos afectados

Parque eólico do VicedoProvincia: LugoConcello: O Vicedo

8662