A Lei 12/1993, do 29 de xullo, de fomento da investigación e de desenvolvemento tecnolóxico de Galicia, crea, no artigo 14, o Consello Asesor de Investigación e Desenvolvemento Tecnolóxico.

O Decreto 14/1998, do 15 de xaneiro, establece a nova composición do consello asesor co fin de adaptalo á nova configuración dos departamentos que integran a Xunta de Galicia, establecida polo Decreto 347/1997, do 9 de decembro, así como polo Decreto 350/1997, do 10 de decembro, polo que se determinan os centros directivos dependentes da Presidencia da Xunta de Galicia.

Como consecuencia dos cambios habidos nos equipos rectorais das universidades de Vigo e Santiago de Compostela, no caso dos representantes das devanditas universidades, e por proposta da Unión Xeral de Traballadores, no caso do representante desta organización sindical, procede actualiza-la composición do Consello Asesor de IDT de Galicia.

Na súa virtude, por proposta do conselleiro da Presidencia e Administración Pública, en uso das atribucións que lle confire a Lei 1/1993, do 22 de febreiro, reguladora da Xunta e do seu presidente e logo de deliberación do Consello da Xunta de Galicia

na súa reunión do día dez de setembro de mil novecentos noventa e oito,

DISPOÑO:

Que cesen José Enrique Tojo Suárez, José Sergio Casas Fernández e José Manuel Pose Mesura como vocais do Consello Asesor de Investigación e Desenvolvemento Tecnolóxico de Galicia, agradecéndolle-los servicios prestados.

Nomear a Pedro Merino Gómez, José Ramón Leis Fidalgo e Juan Carlos Fernández Fernández vocais do Consello Asesor de Investigación e Desenvolvemento Tecnolóxico de Galicia.

Disposición derradeira

O presente decreto entrará en vigor o mesmo día da súa publicación no Diario Oficial de Galicia.

Santiago de Compostela, dez de setembro de mil novecentos noventa e oito.

Manuel Fraga Iribarne

Presidente

Dositeo Rodríguez Rodríguez

Conselleiro da Presidencia e Administración Pública

8537