a) Asistencias técnicas.
1. Asistencia técnica á redacción do proxecto de construcción incluída cartografía da obra de acondicionamento da estrada AC-401. Treito: Cerceda-A Silva.
Clave: AC/98/118-1.
Orzamento: nove millóns cento noventa e seis mil duascentas vintecinco pesetas (9.196.225).
Prazo de execución: 6 meses.
A solvencia económica e financeira acreditarase mediante informe dunha institución financeira en relación co traballo obxecto desta licitación.
A solvencia técnica ou profesional xustificarase mediante os seguintes extremos:
1) Copias autenticadas das titulacións do persoal consultor en relación co especificado no prego de prescricións técnicas particulares.
2) Declaración xurada do empresario na que consten os principais servicios ou traballo de natureza análoga ós que son obxecto deste concurso, realizados nos últimos tres anos, que inclúa importe, datas e beneficiarios públicos ou privados deles.
Non obstante, de posuí-lo licitador clasificación vixente como grupo II, subgrupo 3, categoría A, a súa achega ou a constancia rexistral de tal extremo eximirá da presentación dos documentos mencionados nos parágrafos anteriores.
2. Asistencia técnica para a redacción de cartografía: voo, apoio e restitución, escala 1/1000 con largo de 400 metros. Treito: AC-214 N-VI Guísamo-Cambre, AC-220 Cambre, N-550 Sigrás.
Clave: AC/98/101-0.
Orzamento: un millón cincocentas cincuenta e nove mil oitocentas cincuenta e dúas pesetas (1.559.852).
Prazo de execución: 3 meses.
A solvencia económica e financeira acreditarase mediante informe dunha institución financeira en relación co traballo obxecto desta licitación.
A solvencia técnica ou profesional xustificarase mediante os seguintes extremos:
1) Copias autenticadas das titulacións do persoal do consultor en relación co especificado no prego de prescricións técnicas particulares.
2) Declaración xurada do empresario na que consten os principais servicios de natureza análoga ós que son obxecto do presente concurso, realizados nos últimos tres anos, que inclúa importe, datas e beneficiarios públicos ou privados deles.
Non obstante, de posuí-lo licitador clasificación vixente como grupo I, subgrupo 1, categoría A, a súa achega ou a constancia rexistral de tal extremo eximirá da presentación dos documentos mencionados nos parágrafos anteriores.
(Declaradas urxentes consonte o artigo 72 da Lei 13/1995, de contratos das administracións públicas).
b) Documentos de interese para os licitadores.
Os pregos de cláusulas administrativas particulares, así como o prego de prescricións técnicas estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, na Dirección Xeral de Obras Públicas da Consellería de Política Territorial, Obras Públicas e Vivenda, edificios administrativos de San Caetano, Santiago de Compostela.
c) Garantías que se lles esixen ós licitadores.
Esixirase unha garantía definitiva equivalente ó 4% do orzamento de contrata.
A dita garantía poderá ser presentada na modalidade e polas persoas ou entidades que especifica a lexislación española vixente.
d) Modelo de proposición.
Proposición económica formulada estrictamente conforme o modelo que se xunta ó prego de cláusulas administrativas particulares.
e) Prazo e lugar para a presentación de proposicións.
As proposicións terán que presentarse en sobre pechado no rexistro xeral da Consellería de Política Territorial, Obras Públicas e Vivenda ou ser enviadas
por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
O prazo de admisión das proposicións rematará ás doce horas do décimo terceiro día natural, que non coincida en sábado, domingo ou festivo, seguinte ó da publicación deste anuncio no Diario Oficial de Galicia.
f) Apertura das proposicións.
A apertura das proposicións será realizada pola mesa de contratación ás once horas do quinto día natural que non coincida en sábado, domingo ou festivo, contado a partir do último día de presentación de proposicións.
g) Documentos que deben presenta-los licitadores.
Os que figuran no prego de cláusulas administrativas particulares.
O importe do presente anuncio será por conta dos adxudicatarios.
Santiago de Compostela, 14 de setembro de 1998.
P.D.(Orde 13-12-1993)
José Antonio Fernández Vázquez
Secretario xeral da Consellería de Política
Territorial, Obras Públicas e Vivenda
8175
