Visto o expediente para outorgamento de autorización administrativa, declaración da utilidade pública e a necesidade da urxente ocupación que leva implícita, así como a aprobación do proxecto de execución da instalación eléctrica que a continuación se cita:
Solicitante: Eléctrica de Moscoso, S.L.
Domicilio social: Avda. José Antonio, 21, 36830 A Lama.
Denominación: L.M.T. e C.T. Calvos II.
Situación: Fornelos de Montes.
Descricións técnicas: L.M.T. aérea a 20 kV, de 775 m de lonxitude, con conductor tipo LA-56, sobre apoios metálicos, desde o apoio 32 da L.M.T. Feixa I-Calvos ata o C.T. que se proxecta en Calvos II, concello de Fornelos de Montes. C.T. de 160 kVA, relación de transformación 20 kV-400 V.
Cumpridos os trámites ordenados na Lei 54/1997, e nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas e os artigos 52, 53 e 54 da Lei 54/1997, esta delegación provincial resolveu:
Autorizar, declarar a utilidade pública e a necesidade de urxente ocupación que leva implícita, así como aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nas condicións establecidas polos ministerios, organismos ou corporacións que constan nos expedientes.
Esta resolución é susceptible de recurso ordinario perante o conselleiro de Industria e Comercio, no prazo dun mes.
Pontevedra, 3 de agosto de 1998.
P.A.
Rafael Rubio Maquieira
Secretario provincial de Pontevedra
8182