No BOP de Pontevedra, número 147, do 3 de agosto de 1998, publícase a convocatoria de provisión do posto de traballo de porteiro, con destino ó mencionado centro de FP.

Esta provisión realízase ó abeiro do artigo 15 do Estatuto dos traballadores, punto primeiro, parágrafo primeiro; Real decreto lexislativo 781/1986, do 18 de abril, artigo 28 e seguintes, do R.D. 364/1995, do 10 de marzo, e convenio colectivo de pertinente aplicación.

As condicións que deberán reuni-los aspirantes a esta contratación laboral de carácter indefinido, contéñense na convocatoria antes citada, e o prazo de presentación de solicitudes será de 20 días naturais, contados a partir do seguinte ó da publicación deste extracto no BOE.

O importe dos dereitos de exame é de 2.000 pesetas, e o seu ingreso realizarase na Caixa Pontevedra, conta nº 2057.0005.11.0201139920.

No caso de interesa-lo exemplar do BOP de Pontevedra no que se publica a dita convocatoria, poderase mercar na imprenta da Deputación Provincial, Paseo de Domingo Fontán, s/n, ou na propia Deputación Provincial, Avenida de Montero Ríos, s/n, Negociado do Boletín Oficial da Provincia.

O que se fai público para coñecemento dos interesados.

Pontevedra, 6 de agosto de 1998.

O presidente do Padroado rector

Rubricado