No BOP de Ourense nº 177 do 4 de agosto de 1998, publícase o prego de condicións económico-administrativas que rexerán o concurso público por tramitación ordinaria para outorga-la concesión en réxime de libre concorrencia da explotación do servicio funerario de tanatorio no semisoto do centro de saúde de Sobradelo, coa conseguinte execución das obras de adaptación do local e dotación de instalacións nas dependencias que integran o tanatorio, segundo acordo plenario do día 26 de xuño de 1998, anunciándose así mesmo a licitación do concurso no referido BOP de Ourense.

1. Entidade administrativa: Concello de Carballeda de Valdeorras.

2. Obxecto do contrato: concurso público para outorga-la concesión en réxime de libre concorrencia de explotación do servicio funerario do tanatorio no semisoto do centro de saúde de Sobradelo coa conseguinte execución das obras de adaptación do local e dotación

de instalacións nas dependencias que integran o tanatorio.

3. Presentación de documentación e proposicións: no rexistro xeral do concello ata as 14 horas do vixésimo sexto (26) día natural seguinte ó da publicación deste anuncio no DOG. Se o último día fose inhabil ou sábado, o prazo finalizará o primeiro día hábil seguinte.

4. Documentación que han de presenta-los licitadores: a documentación que hai que presentar e os criterios que servirán de base para adxudicación do concuro constan detallados no mencionado prego de condicións aprobado polo Pleno e publicado no BOP de Ourense nº 177 do 4-8-1998, que lles será facilitado gratuitamente ós que o soliciten nas oficinas municipais en Sobradelo. Carballeda de Valdeorras. Teléfono: 988 33 50 02. Fax: 988 33 53 79.

5. Fianza provisional: 100.000 ptas.

6. Canon: non se fixa expresamente o canon que deberá satisface-lo concesionario con carácter anual, quedando os licitadores facultados para oferta-lo canon anual, ou establecer calquera tipo de contraprestación de realización de servicios relacionados co obxecto do concurso.

7. Apertura de plicas: ás 12 horas do día seguinte hábil a aquel no que finalice o prazo de presentación de ofertas e documentación.

8. Modelo de proposición:

D./Dª...., con DNI nº... e domicilio en ....., actuando en nome propio (ou na representación de.... segundo acredita con ....) informado/a do expediente e condicións para contratar mediante concurso a concesión administrativa do servicio funerario de tanatorio no semisoto do centro de saúde de Sobradelo, coa conseguinte realización das obras de adaptación e dotación das instalacións en cada unha das dependencias que integran o tanatorio, anunciado no DOG nº... con data do ... e no BOP nº ... con data do ...., no que se publicou integramente o prego de condicións, comprométese á presentación do servicio de conformidade co prego de condicións, que acepta integramente, ofertándolle ó concello un canon anual por importe de ... ptas., ou a realización gratuíta dos servicios relacionados co obxecto do concurso (limpeza cemiterio, etc.) que a continuación se especifican ....

Lugar, data e sinatura.

Carballeda de Valdeorras, 6 de agosto de 1998.

Mª Carmen González Quintela

Alcaldesa

8427