O artigo 2.4º do Decreto 3271/1991, do 4 de outubro, de avaliación de efectos ambientais para Galicia, dispón que os estudios de efectos ambientais se sometan ó trámite de información pública, durante quince días hábiles. Na súa virtude

RESOLVO:

Primeiro.-Someter a información pública, por un prazo de quince días hábiles, contados a partir da publicación da presente resolución, o estudio de efectos ambientais do parque eólico denominado Sotavento nos concellos de Xermade (Lugo) e Monfero (A Coruña), solicitado pola empresa Sotavento Galicia, S.A.

Segundo.-Para os efectos informativos, o estudio de efectos ambientais porase á disposición dos administrados nas seguintes dependencias:

-Dirección Xeral de Industria.

-Dirección Xeral de Calidade e Avaliación Ambiental.

-Delegacións provinciais da Consellería de Medio Ambiente da Coruña e Lugo.

-Concello de Xermade.

-Concello de Monfero.

Terceiro.-As alegacións dirixiranse durante o prazo de quince días á Dirección Xeral de Industria.

Cuarto.-Unha vez rematado o prazo, remitirase o expediente coas correspondentes alegacións á Dirección Xeral de Calidade Ambiental e Avaliación Ambiental.

Santiago de Compostela, 15 de xullo de 1998.

Joaquín del Moral Crespo

Director xeral de Industria

8005