A Comisión de Goberno acordou inicia-los trámites para a contratación por vía urxente das obras que seguidamente se indican, e para tal efecto aprobou o correspondente prego de cláusulas administrativas particulares, que se expón xunto co presente edicto polo prazo de oito días para reclamacións, e ordenou anunciar concurso público:
Entidade adxudicadora: Concello de Lalín. Praza do Concello, nº 1, 36500-Lalín. Teléfono 986 78 70 60. Fax 986 78 20 42.
Obxecto: as seguintes obras (cada unha de las considérase un expediente independente):
-Abastecemento á igrexa de Catasós e outros.
-Abastecemento no lugar de Prado-Prado e outros.
-Abastecemento na parroquia de Doade, Madriñán e outras.
Orzamento: 18.490.571 ptas., 12.000.000 de ptas. e 23.870.000 ptas. respectivamente.
Duración do contrato: seis meses para cada un deles.
Modalidade de adxudicación: concurso público, procedemento aberto.
Clasificación do contratista: grupo E, subgrupo 7, categoría C para todas.
Garantía provisional: 2% dos respectivos orzamentos de licitación.
Exame do expediente: os licitadores poderán examina-lo expediente na secretaría xeral do concello en horas de oficina de luns a venres e ata o día anterior ó do remate do prazo de presentación de proposicións.
Lugar e prazo de presentación de proposicións: as proposicións presentaranse no rexistro xeral do concello dentro do prazo de 13 días naturais contados a partir do día de publicación deste anuncio no DOG en horas de nove a catorce e na forma establecida no prego de condicións. As ofertas manteranse durante tres meses.
Apertura de proposicións: a apertura de plicas terá lugar na casa do concello, ás doce trinta horas do seguinte día hábil ó da finalización do prazo de presentación de ofertas. Para estes efectos considéranse os sábados como días inhábiles.
O pagamento deste anuncio será por conta do adxudicatario, proporcionalmente ó importe da adxudicación.
Lalín, 1 de setembro de 1998.
Camilo González Bodaño
Alcalde accidental
8333