A Sociedade de Imaxe e Promoción Turística de Galicia, S.A. anuncia a convocatoria para a contratación laboral fixa das seguintes prazas no Centro Superior de Hostalería de Galicia.
A) Posto: profesor de prácticas de cociña (REF. COC-498).
1. Funcións principais: dependendo do responsable do departamento, asumirá a materia de prácticas de cociña na partida que lle corresponda, coordinando o seu funcionamento coa xestión dos restaurantes do centro.
2. Prazas: 1 (xornada completa).
3. Requisitos:
-Titulación oficial ou específica na área.
-Experiencia profesional na área como xefe de partida, cociñeiro ou posto superior, de polo menos 24 meses.
4. Valorarase:
-Currículo.
-Coñecementos da área.
-Aptitude docente.
-Ofimática.
-Inglés e/ou francés.
-Capacidade de integración en equipos de traballo.
5. Probas que se van realizar:
-Exame de coñecementos da área (eliminatorio).
-Planificación docente.
-Impartición de clase.
-Proba práctica de Microsoft Word 97.
-Proba escrita de inglés e/ou francés.
-Entrevista persoal.
-Cuestionario de personalidade.
B) Posto: profesor de francés (REF. FRA-598).
1. Funcións principais: dependendo do responsable do departamento, participará na preparación das materias de francés, incluíndo o material docente, así como na impartición de clases e na avaliación de alumnos.
2. Prazas: 1 (xornada completa).
3. Requisitos:
-Titulación universitaria.
-Estadía de 1 ano en país onde o francés sexa idioma oficial.
Experiencia docente de 1 ano.
-Dominio do francés.
4. Valorarase:
-Currículo.
-Coñecementos de inglés.
-Aptitude docente.
-Ofimática.
-Capacidade de integración en equipos de traballo.
5. Probas que se van realizar:
-Exame oral e escrito de francés (eliminatorio).
-Impartición de clase.
-Planificación docente.
-Proba práctica de Microsoft Word 97.
-Entrevista persoal.
-Cuestionario de personalidade.
C) Posto: profesor de lexislación (REF. LEG-698).
1. Funcións principais: encargarase da preparación das materias da área, incluíndo o material
docente, así como na impartición das clases e na avaliación dos alumnos.
2. Prazas: 1 (tempo parcial).
3. Requisitos:
-Licenciatura en dereito.
-Experiencia profesional na área de 6 meses.
-Experiencia docente de 24 meses.
4. Valorarase:
-Currículo.
-Coñecementos da área.
-Aptitude docente.
-Ofimática.
-Capacidade de integración en equipos de traballo.
5. Probas se van realizar:
-Exame coñecementos da área (eliminatorio).
-Impartición de clase.
-Planificación docente.
-Proba práctica de Microsoft Word 97.
-Entrevista persoal.
-Cuestionario de personalidade.
D) Documentación que hai que presentar:
-Solicitude, na que se indique a referencia do posto ó que se opta, dirixida ó director do CSGH (A Barcia. Estrada Santiago da Compostela-Noia, Km 3. Apartado 578. 15896 Santiago da Compostela).
-Currículo.
-Acreditación orixinal dos méritos reflectidos no C.V. Os títulos obtidos no estranxeiro deberán estar validados en España.
-Nas prazas de profesor, certificación académica na que consten as cualificacións obtidas nos estudios necesarios para optar á praza, así como o total de convocatorias.
E) Prazo de presentación de solicitudes:
O prazo de presentación de solicitudes será de 10 días hábiles contados a partir do seguinte ó da publicación deste anuncio no Diario Oficial de Galicia.
F) Selección:
Expirado o prazo de presentación de solicitudes, o comité de selección designado para cada unha das prazas publicará as listas previas de admitidos e excluídos a cada proceso.
Santiago de Compostela, 12 de agosto de 1998.
Heriberto Verdés Vilaseca
Director xerente de Turgalicia, S.A.