De conformidade coa proposta elevada polo tribunal cualificador das probas selectivas para ingreso na escala administrativa polo sistema de promoción interna, convocadas por Resolución do 12 de setembro de 1997 da Universidade de Santiago de Compostela (DOG do 6 de outubro) e verificada a posesión dos requisitos esixidos na base 2 da convocatoria.

Este rectorado, en uso das atribucións conferidas polo artigo 18 da Lei orgánica 11/1983, do 25 de agosto, de reforma universitaria, e o artigo 78 n) dos estatutos da universidade

RESOLVEU:

Primeiro.-Nomear funcionarios de carreira da escala administrativa da Universidade de Santiago de Compostela ós aspirantes aprobados que se relacionan no anexo desta resolución.

Segundo.-Para a adquisición da condición de funcionarios de carreira, os interesados prestarán xuramento ou promesa, de acordo co establecido no Real decreto 707/1979, do 5 de abril.

Terceiro.-A toma de posesión deberán efectuala perante este rectorado, no prazo dun mes, contado a partir do día seguinte ó da publicación da presente resolución no DOG.

Cuarto.-De conformidade co disposto no artigo 13 do Real decreto 598/1985, do 30 de abril, e no artigo 10 da Lei 53/1984, do 26 de decembro, de incompatibilidades do persoal obxecto do presente nomeamento, para tomar posesión deberán realiza-la declaración á que se refire o primeiro dos preceptos citados ou a opción ou solicitude de compatibilidade no artigo 10 da Lei 53/1984.

Quinto.-Contra esta resolución, que esgota a vía administrativa, poderán os interesados interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses, con

tados desde a recepción desta notificación, debendo comunicarlle previamente ó rector da universidade a súa interposición.

Santiago de Compostela, 1 de setembro de 1998.

Darío Villanueva Prieto

Rector da Universidade de Santiago de Compostela

ANEXO

Escala administrativa da Universidade de Santiago de Compostela

8280