Por resolución da Alcaldía de data 22 do actual, foi aprobado o prego de cláusulas administrativas particulares que ha de rexe-la poxa, por procedemento aberto urxente, das obras de rede de sumidoiros e abastecemento da travesía de Codesal, o cal se expón ó público por prazo de 8 días contados a partir do seguinte ó da inserción deste anuncio no BOP, para que poidan presentarse reclamacións.

Simultaneamente anúnciase poxa, se ben a licitación se aprazará, cando resulte necesario, no suposto de que se formulen reclamacións contra o prego de cláusulas administrativas particulares.

1. Entidade adxudicadora e obtención de documentos.

a) Concello do Porriño, r/ Antonio Palacios.

b) Negociado de Contratación (Secretaría).

c) Expediente: III-6/98.

d) Teléfono: 986 33 13 01 e fax: 986 33 58 50.

e) Data obtención de documentos: o día anterior a finaliza-lo prazo de presentación de proposicións.

2. Obxecto do contrato.

a) Proxecto de rede de sumidoiros e abastecemento da travesía de Codesal, conforme o prego de cláusulas administrativas e proxecto técnico, redactado polo enxeñeiro técnico obras públicas municipal e aprobado por Decreto do alcalde de data 22 do actual.

b) Lugar de execución: parroquia do Porriño.

c) Prazo de execución: 3 meses.

3. Tramitación, procedemento e forma adxudicación.

a) Tramitación: urxente.

b) Procedemento: aberto.

c) Forma: poxa.

4. Orzamento base de licitación: 16.031.901 pesetas.

5. Garantías.

Provisional: 2% do orzamento.

6. Requisitos específicos do contratista.

Os previstos no prego de cláusulas administrativas.

7. Presentación das ofertas.

a) Data límite de presentación: rematará ós 13 días naturais contados desde o seguinte ó da última publicación deste anuncio no BOP ou no Diario Oficial de Galicia.

b) Documentación que hai que presentar: a especificada na cláusula 11ª do prego de cláusulas administrativas particulares.

c) Lugar de presentación: rexistro xeral do Concello do Porriño de 9 a 14 horas tódolos días, excepto sábados de 9 a 13 horas.

8. Modelo de proposición.

D...con enderezo en..., municipio ...C.P..., e DNI nº..., expedido en..., con data..., en nome propio (ou en representación de..., como acredito por... ), informado do expediente de contratación para a adxudicación por procedemento aberto mediante poxa, das obras de rede de sumidoiros e abastecemento da travesía de Codesal, anunciada no BOP e no Diario Oficial de Galicia, nº... de datas..., tomo parte

na mesma comprometéndome a realizalas polo prezo de...(letra e número) IVE incluído, conforme o proxecto e prego de cláusulas administrativas que acepto integramente, facendo constar que non estou incurso en ningunha das circunstancias establecidas no artigo 20 da Lei de contratos das administracións públicas.

Lugar, data e sinatura. O licitador.

9. Gastos de anuncios: a cargo do adxudicatario.

O Porriño, 24 de agosto de 1998.

José Manuel Barros González

Alcalde

8088