Para os efectos previstos no artigo 48 da Lei 1/1997, do 24 de marzo, do solo de Galicia, faise público que o Pleno deste concello, en sesión do 28-7-1998, visto o informe favorable emitido pola Dirección Xeral de Urbanismo, aprobou definitivamente a seguinte modificación puntual das normas urbanísticas:
Coa presente modificación puntual preténdese regulariza-lo largo entre aliñacións da estrada LC-402, ó seu paso polo núcleo urbano da Silva, establecendo un largo homoxéneo de 20,00 metros, dez metros respecto ó eixe viario actual.
Trátase, pola súa vez, de axusta-la aliñación en cuestión, de acordo coa estructura parcelaria e viaria consolidada na zona.
A modificación aprobada non supón aumento do aproveitamento xa que o fondo de edificación é o establecido na norma para R.D. ó aplia-la vía posterior paralela á citada estrada, pasando dun largo de dez a doce metros, continuando en vigor a ordenanza XI publicada no BOP nº 189, do 17-8-1996, segundo resulta do informe emitido polo arquitecto.
Cerceda, 3 de agosto de 1998.
O alcalde
Rubricado
8085