Aprobado pola Comisión de Goberno deste Concello o prego de cláusulas administrativas que rexerán no concurso, con procedemento aberto, trámite de urxencia, para a contratación das obras de demolición de chabola en Camiño Vao de Abaixo nº 33, exponse ó público durante o prazo de oito días contados a partir do seguinte ó da publicación deste anuncio no BOP, para que se poidan presentar alegacións.

Simultaneamente anúnciase o concurso, aprazándose a licitación se se producisen reclamacións ó prego.

1. Entidade adxudicadora:

a) Organismo: Concello de Poio.

b) Dependencia: secretaría.

2. Obxecto do contrato:

a) Descrición: a contratación da execución das obras indicadas.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Tipo de licitación: 232.381 pesetas (IVE incluído).

5. Duración do contrato: quince días.

6. Garantías: provisional por importe do 2% do tipo e definitiva do 4%.

7. Información para obtención de documentación.

a) Entidade: Concello de Poio. Servicio de Contratación. Domicilio: praza do Mosteiro, 1. Poio 36995. Teléfono: 986 77 00 38, fax 986 77 12 77.

b) Data límite para obtención de documentos e información: día anterior ó de remate de presentación de ofertas.

8. Presentación de proposicións: no rexistro xeral do concello, de 9 a 14 horas, durante o prazo de trece días naturais contados a partir do seguinte ó da publicación deste anuncio no BOP.

9. Apertura de proposicións: pola mesa de contratación, no salón de sesións da casa do concello, ás 13.30 horas do día seguinte hábil, que non cadre en sábado, ó do remate do prazo de presentación de ofertas.

10. Gastos de anuncios: por conta do adxudicatario.

11. Criterios de adxudicación: os sinalados na cláusula 10ª do prego.

Poio, 14 de agosto de 1998.

Luciano Sobral Fernández

Alcalde

8012