A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido na orde do conselleiro de Sanidade e Servicios Sociais do 21 de abril de 1998 (DOG do 11 de maio), convoca o seguinte concurso público:

Contratación de subministracións: 25 camas e mesas de noite hospitalarias (C.P. 14/1998).

Orzamento: 9.672.500 pesetas (IVE incluído).

Forma da adxudicación: procedemento aberto mediante concurso público, polo trámite ordinario.

Prazo de execución: 30 días, contados desde a data de formalización do contrato, mellorables polo licitador.

Admisión de variantes: admítense, sempre e cando, superen o estipulado nas prescricións técnicas.

Solvencia económica e financeira: de acordo co establecido no apartado c) do artigo 16.1º da Lei 13/1995, de contratos das administracións públicas.

Solvencia técnica: de acordo co establecido no apartado d) do artigo 18 da Lei 13/1995 citada.

Criterios de adxudicación: 1) Importe económico, ata 9 puntos. 2) Servicio técnico, ata 1 punto.

Documentación de interese para os licitadores: os pregos de cláusulas administrativas particulares e técnicas, e demais documentación complementaria poden ser solicitados no Servicio de Compras do Complexo Hospitalario Cristal-Piñor, rúa Ramón Puga, 52, (edificio de administración-planta baixa), de Ourense, en días hábiles, das 9 ás 14 horas, agás sábados.

Fianzas: provisional: non se require. Definitiva: 4% do importe de licitación.

Presentación de proposicións: deberán ser presentadas en man, en sobres pechados e lacrados, asinados polo licitador ou persoa que o represente, no rexistro xeral deste complexo hospitalario, antes das 14 horas do vixésimosexto día natural contado desde o seguinte ó da publicación desta resolución no DOG, ou enviadas por correo dentro do prazo sinalado. No caso de que o devandito día coincida en sábado ou festivo, o prazo de presentación finalizará o seguinte día hábil.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax 988 38 58 49 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa á Dirección de Xestión do complexo hospitalario, ás 9 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo a apertura de proposicións terá lugar o día hábil seguinte.

Documentación que achegarán os licitadores: os documentos sinalados nos pregos de cláusulas administrativas particulares e técnicas.

Anuncios: o pagamento será por conta do adxudicatario.

Ourense, 4 de agosto de 1998.

Pedro A. Soler Bordoy

Director xerente do Complexo Hospitalario

Cristal-Piñor de Ourense

7889