Visto o expediente para outorgamento de autorización administrativa e aprobación do proxecto de
execución da instalación eléctrica que a continuación se cita.
Solicitante: Unión Eléctrica-Fenosa, S.A.
Enderezo social: Avda. de Arteixo, 171, 15000 A Coruña.
Denominación: R.B.T. Retorna-Soutomouro.
Situación: Ortigueira.
Descricións técnicas: liña eléctrica aérea de baixa tensión a 380-220 kV, sobre apoios de formigón e conductor R.Z. en seccións de 95 e 50 mm Al, de 1.840 m de lonxitude, con orixe no C.T. Soutomouro e discorrendo polos lugares Retorna, Soutomouro e Larnacido. Ortigueira.
Cumpridos os trámites ordenados na Lei 54/1997, de 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
A Coruña, 1 de xullo de 1998.
Jesús Espada Martínez
Delegado provincial da Coruña
7113