A Orde do 9 de febreiro de 1998 (DOG do 13 de febreiro), pola que se aproban as bases que rexerán as convocatorias de axudas e bolsas correspondentes á promoción xeral do coñecemento e se procede á súa convocatoria, prevé no anexo VI a concesión de axudas para a organización de congresos, simposios ou seminarios que se celebren en Galicia no período comprendido entre o 13 de febreiro de 1998 e o 30 de xuño de 1999.

Na súa virtude, de acordo co establecido nas bases da convocatoria e atendendo á proposta elaborada pola Comisión de Selección de Investigación, creada por Decreto 37/1998, do 30 de xaneiro (DOG do 6 de febreiro) e orde da Consellería da Presidencia

e Administración Pública, do 21 de abril de 1998 (DOG do 12 de maio), esta secretaría xeral

RESOLVE:

Primeiro.-Concederlles axudas ás persoas que se relacionan no anexo á presente resolución para a realización dos eventos que se indican en cada caso.

Segundo.-A inobservancia por parte dos beneficiarios de calquera das bases establecidas na orde de convocatoria do 9 de febreiro de 1998 suporá a perda do dereito a percibi-la subvención correspondente.

Terceiro.-Os pagamentos faranse conforme o establecido no punto 6 das correspondentes bases.

Cuarto.-Contra a presente resolución poderán os interesados interpoñer recurso ordinario ante o conselleiro da Presidencia e Administración Pública no prazo dun mes contado a partir do día seguinte ó da publicación da presente resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 5 de agosto de 1998.

Miguel A. Ríos Fernández

Secretario xeral de Investigación e Desenvolvemento

ANEXO

7655