O director-xerente do complexo hospitalario Juan Canalejo-Marítimo Oza da Coruña, en virtude das atribucións que lle foron delegadas por Orde do 21 de abril de 1998, sobre delegación de competencias nos órganos centrais e periféricos do Servicio Galego de Saúde, e unha vez cumpridos os trámites admi
nistrativos correspondentes, resolve anuncia-la contratación da subministración que a seguir se cita:
Obxecto: realización de probas analíticas de laboratorio en centros externos.
Orzamento: 3.375.000 ptas.
Garantía provisional: 67.500 ptas.
Lote 1: realización de probas analíticas de laboratorio en centros externos.
Orzamento: 3.375.000 ptas.
Garantía provisional: 67.500 ptas.
1. Forma de adxudicación: concurso polo procedemento aberto.
2. Prazo de entrega: a realización das probas analíticas que se contratan polo medio do presente será sucesiva e por demanda do complexo, de acordo coas regras que se establecen no anexo I: prego de prescricións técnicas adxunto.
3. Admisión de variantes: non se autorizan, o que se fai contar expresamente neste prego e no anuncio da licitación, de acordo co artigo 88.2º da LCAP.
4. Solvencia económica, financeira e técnica: ver prego de cláusulas administrativas particulares.
5. Criterios de adxudicación: os criterios que se empregarán para acorda-la adxudicación e a ponderación que se dará a cada un deles, serán os seguintes:
Orde 1; criterio de adxudicación considerado: prezo ofertado polos licitadores; ponderación:50%.
Orde 2; criterio de adxudicación considerado: condicións de prestación do servicio ofertadas; ponderación: 50%.
En canto ó prezo ofertado considerarase a rebaixa final que presenten as ofertas económicas dos licitadores sobre o orzamento máximo establecido para o contrato. Respecto ás condicións de prestación do servicio valoraranse moi especialmente os distintos elementos que se detallan ó respecto no anexo I adxunto. Así mesmo, poderán ser tomadas en consideración para a resolución da adxudicación, calquera outra mellora distinta das anteriores que puideran oferta-los concursantes.
6. Documentos de interese para os licitadores: o prego de cláusulas administrativas particulares e demais documentación complementaria poden ser solicitados no Servicio de Contratación do complexo hospitalario (planta terceira do edificio da Escola Universitaria de Enfermería, anexo ó Hospital Juan Canalejo). As Xubias de Arriba, 84, 15006-A Coruña, en días laborables desde as 9 ás 14 horas. Teléfono: 981 17 80 73. Fax: 981 17 80 32.
7. Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste complexo hospitalario Juan Canalejo (planta baixa do Hospital Juan Canalejo), antes das 14 horas do vixésimo sexto día natural
contado a partir do seguinte ó da publicación desta resolución no Diario Oficial de Galicia, ou mandadas por correo, dentro do prazo sinalado.
8. Apertura das proposicións: terá lugar na sala de xuntas da xerencia do complexo hospitalario (planta baixa da Escola Universitaria de Enfermería), a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.
9. Documentación que deberán achega-los licitadores: os documentos que figuran no prego de cláusulas administrativas particulares.
10. Anuncios: os anuncios do presente concurso serán por conta do adxudicatario do contrato.
A Coruña, 10 de agosto de 1998.
Teresa Araguas Álvarez
Directora-xerente en funcións do Complexo
Hospitalario Juan Canalejo-Marítimo Oza da Coruña
7833