O Concello Pleno, en sesión celebrada o día 11-8-1998, aprobou inicialmente a modificación puntual das normas subsidiarias de planeamento deste concello no contorno de punta Promontoiro, polo que se abre o trámite de información pública polo prazo dun mes, contado a partir da publicación do presente anuncio no Diario Oficial de Galicia, prazo durante o cal tódalas persoas que se consideren afectadas poderán formula-las alegacións ou reclamacións que consideren oportunas.
Así mesmo, o Concello Pleno acordou suspende-las licencias ás que se refire o artigo 34 da Lei 1/1997, do 24 de marzo, do solo de Galicia, na área do territorio obxecto desta modificación puntual e que aparece delimitada nos planos do documento da modificación puntual.
A suspensión de licencias extinguirase, en todo caso, no prazo dun ano ou coa aprobación definitiva da presente modificación puntual.
O que se fai público en cumprimento do disposto nos artigos 42 e 34 da Lei 1/1997, do 24 de marzo, do solo de Galicia.
Mugardos, 12 de agosto de 1998.
O alcalde
Rubricado
7803