A Comisión de Goberno, en sesión do 22 de xuño de 1998, acordou o seguinte:
Primeiro.-Aprobar, con carácter inicial, o estudio de detalle formulado mediante iniciativa particular por Promociones Inmobiliarias Ramírez, S.L. para a ordenación dos volumes de acordo coas determinacións do Plan Xeral de Ordenación Urbana e soluciona-los medianís existentes do soar situado entre as rúas Condesa de Pardo Bazán, Arcebispo Malvar e Xan Guillermo, propoñendo a actuación a actuación que se vai realizar neste soar e os de número 3, 5 e 7 da rúa Xan Guillermo. Este documento urbanístico foi redactado polo arquitecto Gustavo
Pérez Álvarez, visado pola Delegación do COAG en Pontevedra, con datas do 30-3-1995 e 14-3-1997, documentación esta última que anula a correlativa da anterior, concretándose a localización da compensación a este Concello no plano número 11-A con data de outubro de 1997, subscrito por este facultativo.
Segundo.-Someter a información pública o estudio de detalle aprobado inicialmente e o expediente tramitado -que dilixenciará o secretario xeral da Corporación- durante un prazo dun mes, mediante a publicación de anuncios no taboleiro de edictos da casa do concello, un dos periódicos de maior circulación provincial, BOP e Diario Oficial de Galicia, computándose tal período desde esta última publicación, con notificación persoal ós propietarios e demais interesados directamente afectados comprendidos no ámbito territorial do estudio de detalle.
Terceiro.-Dispor que, conforme o dictame da Comisión Municipal de Urbanismo do 2-4-1998, este acto de aprobación inicial se lle comunique á Consellería de Cultura, Comunicación Social e Turismo, e que a promotora simultaneamente redacte un proxecto técnico de desmonte, subscrito por técnico competente, no que se prevexa a numeración e relación dos elementos ou pezas de interese da edificación actual sinalados no informe do técnico municipal, e a posta á disposición desta Administración municipal deles na parcela que se indique, de xeito que durante o prazo dun mes de información ó público do estudio, se fagan os seguintes ofrecementos encamiñados á preservación e integración das pezas referidas da edificación:
1. En primeiro lugar, ofrecerlle á Consellería de Cultura a cesión deses elementos, poñéndoos o Concello á súa disposición para os fins de conservación que a consellería coide procedentes.
2. No caso de que non lle interese á consellería, ofrecerlle á entidade promotora a posibilidade de que logo de estudio ou proxecto, integre os restos de interese da edificación actual no futuro edificio que se pretenda construír.
3. Finalmente, de non interesa-las alternativas anteriores, unha vez redactado o proxecto de desmonte e axecutado este, quedaría o Concello coas pezas e elementos de interese, tendo que ser depositados na nave ou parcela que se acordase para os fins que se considerasen oportunos.
Cuarto.-Declarar que a compensación económica substitutiva do aproveitamento non patrimonializable, grafada no citado plano 11-A con data de outubro de 1997 e concretada no escrito da entidade promotora con data do 29-10-1997, sexa ampliada tamén nos termos do informe do arquitecto xefe do Servicio Municipal de Xestión e Disciplina Urbanística do 17-12-1997, citado no feito 8º da parte expositiva deste acto, polo que Promociones Inmo
biliarias Ramírez, S.L., con carácter previo á aprobación definitiva do estudio se fose procedente, ratificará e solemnizará tal compromiso de cesión nas formas admitidas en dereito, tendose que entrega-lo local obxecto de compensación a este Concello, en pleno dominio e totalmente libre de cargas e gravames, pasando a formar parte do patrimonio municipal e do seu inventario de bens.
Quinto.-Remitirlle o expediente á Unidade de Xestión-Rendas de Intervención Xeral para a liquidación de taxas municipais, conforme a Ordenanza fiscal reguladora da prestación de servicios urbanísticos.
Durante o prazo dun mes, contado a partir da inserción deste anuncio no Diario Oficial de Galicia, calquera interesado poderá examina-lo expediente na Unidade Municipal de Fomento (rúa dona Teresa), e formula-las alegacións que coide procedentes.
Pontevedra, 13 de xullo do 1998.
Juan Luis Pedrosa Fernández
Alcalde
Julio Dapena Outomuro
Secretario xeral
7777