Dentro dos programas de actividades que a Academia Galega de Seguridade ten previsto realizar no ano 1998 e conforme as funcións atribuídas pola Lei 4/1992, do 9 de abril, de creación da Academia Galega de Seguridade, a formación dos bombeiros é unha das tarefas encomendadas á devantida academia.

Con base no anterior anúnciase a celebración dun curso avanzado de equipos de protección respiratoria e utilización de cordas guía, que deberá desenvolverse conforme as seguintes bases:

1. Obxectivos: actualización de coñecementos do EPR, procedementos operativos de posta en marcha e seguridade relativa a el e utilización de cordas guía.

2. Destinatarios: o curso vai dirixido ós membros dos corpos de bombeiros da Comunidade Autónoma de Galicia.

3. Prazas: o número de prazas ofertadas será de 16.

4. Inscrición: a inscrición dos participantes será totalmente gratuíta.

5. Solicitudes:

-As persoas que desexen participar nestes cursos deberán presentar, cuberta a máquina ou con letra moi clara, a instancia que figura no anexo.

-O prazo para a presentación de instancias rematará o día 19 de outubro, ás 14 horas.

-As instancias deberán vir asinadas polo xefe do cadro de persoal e seladas, isto será requisito indispensable para ser admitido no curso; o incumprimento deste requisito levará consigo a non admisión ó devandito curso.

-As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

6. Contido e duración: o curso terá unha duración de 35 horas lectivas, e nel trataranse, entre outros, os seguintes temas:

-Fisioloxía da respiración.

-Toxicidade. Protección das vías respiratorias. Termopatías asociadas ó uso dos EPR.

-Descrición do EPR.

-Descrición da corda guía, utilización.

-Descrición da táboa de control de EPR.

-Orientación, busca, rescate e localización do foco.

7. Datas: o curso celebrarase do 2 ó 6 de novembro. O horario será o seguinte:

Mañá: de 10 a 13.30 horas.

Tardes: de 15.30 a 19 horas.

8. Relación de admitidos: a relación de admitidos publicarase o día 23 de outubro no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.

9. Lugar: no centro de formación de Seganosa, sito na parroquia de Alxén, s/n, en Salvaterra de Miño (Pontevedra).

10. Certificado de asistencia: ó remate dos cursos entregaráselles un certificado de asistencia a aquelas persoas que acrediten a súa participación continuada nel.

11. Modificacións: a Academia Galega de Seguridade poderá modifica-lo desenvolvemento do curso para adapta-lo ás necesidades da Administración e ás continxencias que poidan xurdir.

Santiago de Compostela, 28 de xullo de 1998.

Juan José Fariñas-Ferro Rodríguez

Director xeral da Academia Galega de Seguridade

7495