O Concello de Cariño, en sesións plenarias celebradas os días seis e vintenove de xuño, acordou aprobar inicialmente os estudios de fixación de alturas medias redactados polo técnico municipal J. Fernando Fraguela Docanto, relativos ás rúas: Avda. da Constitución no tramo dereito (desde a rúa doutor Carreño á rúa profesor Horacio Fernández); no tramo dereito da rúa Crecente Veiga (desde a rúa Angustias á rúa do Campo); e ó tramo esquerdo da rúa Menéndez Pidal de Cariño e nas marxes esquerdas da Avda. Pérez Lugín (da r/ doutor Carreño á fin DSU) e da rúa doutor Carreño (da r/ Horacio Fernández e Pérez Lugín) de Cariño, de conformidade co disposto no artigo 60 da Lei 1/1997, do 24 de marzo, do solo de Galicia.
Sométense a información pública, polo prazo dun mes, mediante inserción de anuncio no DOG, nun dos xornais de máxima difusión da provincia e no taboleiro de anuncios do concello.
O prazo de exposición ó público entenderase aberto desde a publicación do presente anuncio no DOG. A documentación atópase á disposición do público nos servicios técnicos da casa do concello.
O presente anuncio servirá de notificación nos termos do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignorarse seu enderezo, non poidan ser notificados individualmente.
Cariño, 1 de xullo de 1998.
Fernando Tallón Cabana
Alcalde
7139